2 Samwele 7:13 - Livulu lya Shukulu Kalunga

¹³ Ikeye akanjitungila njuvo, co njikakolesa litanda lya vumwene vwendi.

2 Samwele 7:13 Iomraidhean Croise

Kushangumuka 49:10

Mulamu wa vumwene kuukatundu kuli Yunda, nambe mulamu wa muka-kushwana kuukatundu ku vatekulwila vendi, noo vavenyawo naija, miyati ya vanu vakamwononoka.

2 Samwele 22:51

Njambi akana kuhyana kwakama, kuli mwene uje yalyangwilile, ikeye amwesa cizemo cije kucesi kutenguluka kuli uje yanaangula, kuli Ndaviti na vatekulwila vendi ku myaka yoshe.

2 Samwele 7:16

Simbu yoshe ukakala na vatekulwila, co vumwene vwove vukakala simbu yoshe. Co simbu yoshe litanda lyove likakola ngo!’ ”

2 Samwele 7:27

Shukulu Kalunga Muka-nzili yoshe, Njambi ya Isalele! Njinasimpi akulombela lilombelo eli kuli yove, omwo unasholola vyoshe evi kuli yange ngamba yove, co wanjilekele ngeci ukapwisa vatekulwila vange vimyene.

1 Vimyene 2:24

Shukulu Kalunga nanjikolesa ngo a litanda lya tate Ndaviti, co nanyungu cikulaeso nakunjana vumwene yange na vatekulwila vange. Njalisingi a lizina lya Shukulu Kalunga wakuyoya ngeci Andoniya napande kutsa ku litangwa lya lelo vene!”

1 Vimyene 2:4

Nga umwononoka, co Shukulu Kalunga akanyunga cikulaeso cije walingile omo wanjilekele ngeci vatekulwila vange vakashwana Isalele nga vakanyanyama nakwononoka mashiko endi na mbunge yavo yoshe na mwonyo wavo woshe.

1 Vimyene 2:45

Oloni akanjivezikisa, nakunyunga vumwene vwa Ndaviti ku myaka yoshe.”

1 Vimyene 5:5

Shukulu Kalunga wakulaesele tate Ndaviti ngwendi, ‘Munove uje injikashwanesa kupwa mwene munima yove, ikeye akanjitungila Njuvo.’ Co ololo njinayongola kutunga Njuvo ya Shukulu Kalunga mwakumulemesela Shukulu Kalunga Njambi yange.

1 Vimyene 6:12

“Nga wenda mu vizilika vyange, nakwononoka vilongesa vyange, nakunyunga mashiko ange, co njikakulingila vije njakulaesele isho Ndaviti.

1 Vimyene 8:13

Ololo Shukulu njinakutungila Njuvo, mu mwela uje wasa kukala myaka yoshe.”

1 Vimyene 8:15

Co wendekele ngwendi, “Shangazaleni Shukulu Kalunga Njambi ya Isalele! Ikeye nanyungu cikulaeso cije calingile kuli tate Ndaviti, omo wendekele ngwendi,

1 Vimyene 8:19

oloni yove kuukasa kunjitungila Njuvo. Kuvanga munove, ikeye akanjitungila Njuvo.’

2 Vimyene 21:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi lizina lyendi vakalilemesela mu Yelusalema.

2 Vimyene 21:7

Ikeye waakele cifwa ca Ashela njambi wa munakazi mu Njuvo ya Shukulu Kalunga, mwela uje watumbwile Shukulu Kalunga kuli Ndaviti na kuli munendi Solomoni ngwendi, “Muno mu Yelusalema, mu Njuvo eyi vene, ukewo mwela unjinalyangwila mu lifuti lyoshe ku miyati likumi na ivali ya Isalele kupwa mwela muje vakalemesela lizina lyange ku myaka yoshe.

2 Vimyene 8:19

oloni Shukulu Kalunga kashakele kunyongesa Yunda embwe, omwo wakulaesele laja ngamba yendi Ndaviti ngeci vatekulwila vendi vakashwana simbu yoshe.

1 Mizimbu 28:10

Zivuka ngeci Shukulu Kalunga nakwangula umutungile Njuvo yendi yakujela. Kolesa ngeci uyitunge.”

2 Mizimbu 33:4

Watungile mitula ya vaka-kujeneka kukulaela mu Njuvo ya Shukulu Kalunga, mwela uje watumbwile Shukulu Kalunga ngwendi kukekwo kuvakamulemesela myaka yoshe.

2 Mizimbu 6:16

Ngecivene, ololo, Shukulu Kalunga Njambi ya Isalele, njilinakukulomba ngeci unyunge cikulaeso cije wakulaesele tate omo wamulekele ngeci simbu yoshe ukaka mutekulwila wendi umo kupwa mwene wakushwana Isalele, nga vononoka mwamuvwa Mashiko ove ngwe mwalingile ikeye.

Yombi 36:7

Ikeye muka-kunyunga vaje vaka-vushunga, akavatavesa, kushwana ngwe vimyene, nakuvatava ngeci vavasingimike ku myaka yoshe.

Myaso 72:17

Lizina lyendi likale ku myaka yoshe, lutsimo lwendi lukale simbu yoshe ngwe mulyakala litangwa. Vanu voshe vakavezika muli ikeye, miyati yoshe vehule Njambi ngeci avavezikise ngwe muje mwanavezikisa mwene!

Myaso 89:21

Nzili yange ikakala nendi simbu yoshe, co ikamutakamesa.

Myaso 89:29

Umo wa vatekulwila va Ndaviti, akapwa mwene simbu yoshe. Vumwene vwendi vukakalako simbu yoshe noo lilu likahwa.

Myaso 89:4

‘Umo wa vatekulwila vove akapwa mwene, co njikakolesa vumwene vwove simbu yoshe.’ ”

Isaya 49:8

Shukulu Kalunga alinakwendeka kuli vanu vendi ngwendi, “Omo simbu yakumyamena yeta, njikakumbulula malombelo eni nakumimwesa ngozi yange, njikamikongweya nakuminyunga, co muli yeni njikalinga cikumiiyo na vanu voshe. Co njikamitava mutunge lalo mu lifuti lyeni lije ololo linapu ngundu.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 33:17

Yange Kalunga, njakulaesa ngwange simbu yoshe kukakala mutekulwila wa Ndaviti kupwa mwene wa Isalele,

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Ndanyele 2:44

A simbu ya vaka-kushwana vaje, Njambi wa mwilu akaka vumwene vuje kuvukahu. Naumo wai akavafungulula, co vukanyongesa vumwene vwoshe, oloni vukevwo vukakala myaka yoshe.

Zakaliya 6:12

Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange.

Zakaliya 6:13

Ikeye akaitunga, co akatambula kasingimiko kanapande mwene, co ikeye akashwana vanu vendi. Co muka-kukombelela akemana ku litanda lyendi, Co vakapanga amolika mu kwoloka na mukulizivasana.’

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

VaHevelu 3:3

Muka-kutunga njuvo vamusingimika manene kutuvakana njuvo. Mu cifwa eci vene, Yesu nahyana kasingimiko kutuvakana Mosesa.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.