2 Samwele 6:20 - Livulu lya Shukulu Kalunga

²⁰ Omo vanamanesa, Ndaviti waile kwimbo nakwindwisa naanga yendi, co Mikale watuukile nakuliwana nendi, wendekele kuli ikeye ngwendi, “Mwene wa vaIsalele naliwanena lizina lyakama ku litangwa lya lelo! Nalipwisa ngwe cilema ku mesho a vangamba va vambanda va vamyata vendi!”

2 Samwele 6:20 Iomraidhean Croise

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

2 Samwele 6:14

Ndaviti wazalele nanga ya linyu mu mbunda yendi, co wakinine na nzili yendi yoshe nakusingimika Shukulu Kalunga.

2 Samwele 6:16

Omo Cikasa cakovelele mu nganda, Mikale, muna Saulu, wemanene mu njanena, co wamwene Mwene Ndaviti alinakukina nakujombozoka na kusingimika Shukulu Kalunga mukukina cakujela, co wamushendumwine mu mbunge yendi.

2 Samwele 6:18

Omo wamanesele kukombelela vin̄ombelo vya kwenyeka, na vin̄ombelo vya kulitombola, wavezikisile vanu mu lizina lya Shukulu Kalunga Muka-nzili yoshe,

2 Samwele 6:19

co waanene vanu voshe vyakulya. Waanene munu na munu, munalume na munakazi mu Isalele, mukasha wa likende, na cipuka ca situ yakwoca, na likasha-kasha lya vinyu vyakuma. Asinoni vanu voshe vaile ku membo avo.

1 Mizimbu 16:43

Co vanu voshe velukile ku membo avo, na Ndaviti lalo welukile kwimbo lyendi kukakala amo na naanga yendi.

Yombi 30:8

Vakevo vanapu vilema vangoco va lizina! Co vavashekele mu lifuti.

Myaso 101:2

Njikayoya kuyoya kwakuvwa. Simbu ikajo ukaija kuli yange? Njikayoya mu njuvo yange na mbunge yakujela.

Myaso 30:1

Njikushangazala yove Shukulu Kalunga, omwo unanjamena, co kuwakengelelele vitozi vange ngeci valyalesele ali yange embwe.

Muka-kwambulula 7:17

Kesi upwe u muka-vuvi manene, nambe kesi upwe u cilema, omwo vikajo utsila simbu yove kanda yete?

Mako 14:66

Co omo Petulu wakele mu cipango umo ngamba ya Muka-kukombelela Wakama wezile.

Mako 3:21

Co omo naanga yendi vazivile a vyuma evi, vaile nakumusetela, omwo vanu vakele nakwendeka ngwavo, “Nazaluka!”

Yowano 13:6

Yesu wezile kuli Simoni Petulu, co Petulu wendekele kuli ikeye ngwendi, “Mwene, kuma ujwelesa ku mendi ange ndi?”

Yoshwa 24:15

Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”

Maako 9:4

Co vamwanene mavundungulu 70 a siliva akutunda ku njuvo ya Mbale, co na vimbongo vije wakumwine vilema kuvesi na seo kulipandakana nendi.

1 Samwele 14:49

Vana va Saulu vapwile, Yonatana, na Ishevi, na Malekishwa. Munendi wa mukulunu wa munakazi lizina lyendi Melambe, co mutinikila lizina lyendi Mikale.

1 Samwele 18:20

Oloni Mikale muna Saulu, wazemene manene Ndaviti, omo Saulu wazivile ngacije, wavwaelelele manene.