2 Samwele 6:14 - Livulu lya Shukulu Kalunga

¹⁴ Ndaviti wazalele nanga ya linyu mu mbunda yendi, co wakinine na nzili yendi yoshe nakusingimika Shukulu Kalunga.

2 Samwele 6:14 Iomraidhean Croise

2 Samwele 6:15

Ngecivene, Ndaviti na vaIsalele voshe vatwalele Cikasa ca Cikumiiyo ku Yelusalema, vatwile tuwelele twakuvwaelela nakwimba malupembo.

2 Samwele 6:20

Omo vanamanesa, Ndaviti waile kwimbo nakwindwisa naanga yendi, co Mikale watuukile nakuliwana nendi, wendekele kuli ikeye ngwendi, “Mwene wa vaIsalele naliwanena lizina lyakama ku litangwa lya lelo! Nalipwisa ngwe cilema ku mesho a vangamba va vambanda va vamyata vendi!”

1 Mizimbu 15:27

Ndaviti wazalele cikoveyo cacilaja ca linyu lyalivwa, co vaka-kwimba, na ntwama yavo Kenaniya, na vaLevi vaje vambatele Cikasa ca Cikumiiyo navo lalo vazalele vikoveyo vyavilaja vya linyu. Co Ndaviti lalo wazalele kangamuna ka linyu.

Myaso 149:3

Shangazaleni lizina lyendi nakukina, mwimbileni myaso yakumushangazala, na vingoma na tulyalya.

Myaso 150:4

Mushangazaleni nakukina na vingoma! Mushangazaleni na tulyalya na vimbendo!

Myaso 30:11

Unatengulula vusiwa vwange kuvupwisa kujolela, unatundisa vusiwa vwange nakunjana kujolela.

Myaso 87:7

Voshe vaje vaimba nambe kukina, vakendeka ngwavo, “Mu Siyone mukemwo mwatunda vivezikiso vyetu vyoshe.”

Kutuuka 15:20

Asinoni muka-kwimanena wa munakazi Milyamu, ndokazi ya Alone, wambatele kambulumbumba kendi, co vanakazi voshe vamukavele, nakwimba tumbulumbumba twavo nakukina.

Kutuuka 15:21

Milyamu wavembilile mwaso ngwendi, “Mwimbileni Shukulu Kalunga, omwo ikeye nahyana na nzili, ikeye nombila tuvalu na vaka-kulondao mu mema a kalunga.”

Kutuuka 19:6

vanu vaje vakundama kuli yange vavenya, co yeni mukapwa vaka-kukombelela, muyati wakujela wakwanguka. Awa akewo majwi ukendeka kuli vanu va Isalele.”

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Ezekiyele 46:10

Mwene napande kukovela mukati omo vanu vakovela mukati, co napande kutuuka omo vanu vatuuka

Luka 15:25

“Co uje munendi wa mukulunu a simbu ije wakele mu lihya. Omo wakele nakwiluka, wetele kuyehi na njuvo, co wazivile myaso nakukina.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

Kolose 3:23

Vyoshe mupanga, vipangeni na mbunge yeni yoshe, ngwe mulinakuvipangela Mwene, kesi vanu.

Maako 11:34

Omo Njefeta welukile kwimbo ku Mizipa, co kuje kwakele munendi wa munakazi wezile nakumushesha, nakukina nakwimba kambulumbumba. Wapwile munendi umolika.

Maako 21:21

Omo vambanda va ku Shilo vaija mukukina simbu ya ciwano, co jombolokeni mu mahya a mikolovozi ya vushuka vwa vinyu. Co munu na munu akwate munakazi wa ku Shilo, co amutwale ku mutambela wa Mbenjemani.

1 Samwele 2:18

Mu simbu ije vene Samwele wakele nakupangela Shukulu Kalunga, co wazalele kangamuna ka linyu kakujela.

1 Samwele 2:28

Co ku miyati yoshe ya Isalele njaangwileko naanga yendi kupwa vaka-kukombelela vange, kupanga ku mutula nakwenyeka insense, nakuzala kangamuna ku mesho ange. Co njavanene moko yakunyunga mutambela wa vin̄ombelo vya kwenyeka a mutula.

1 Samwele 22:18

Ngecivene, Saulu wendekele kuli Ndoenge ngwendi, “Vatsiye!” Co Ndoenge wavatsiile voshe. A litangwa lije, watsiile makumi atanu na atatu na vanu vatanu vaka-kukombelela, vaje vapandelemo mukuzala tungamuna twa linyu.