2 Samwele 4:8 - Livulu lya Shukulu Kalunga

⁸ Co vatwalele mutwe wa Ishemboshete kuli Mwene Ndaviti ku Hevelone, vendekele kuli ikeye ngwavo, “Mutwe ou wa Ishemboshete, muna citozi cove Saulu, uje washakele kukutsiya. Co litangwa lya lelo Shukulu Kalunga natava yove shukulu yetu kulinga shambandinga ali Saulu na vatekulwila vendi.”

2 Samwele 4:8 Iomraidhean Croise

2 Samwele 18:19

Asinoni Ahimaza muna Zandoke wendekele kuli Yowave ngwendi, “Njitave njishatukile kuli mwene njikamuleke muzimbu wauvwa, ngwange Shukulu Kalunga nakwamena ku vitozi vove.”

2 Samwele 18:31

Co ndungo wa kaSundane nendi lalo wetele walekele mwene ngwendi, “Njili na muzimbu wove wauvwa shukulu! Ku litangwa lya lelo Shukulu Kalunga nakwana nzili yakufungulula voshe vaje vakutengulukilile nakukulwisa!”

2 Samwele 2:8

Avinele muna Nele muka-kushika mashwalale va Saulu, wambatele Ishemboshete muna Saulu, wamuteweselele ku Mahanaime.

2 Samwele 22:48

Ikeye anjihyanesa ku vitozi vange, nanjifungulwila miyati yoshe,

Myaso 71:24

Njikendeka vushunga vwove litangwa lyoshe, omwo vaje vashakele kunjivulumuna, unavafungulula nakuvazivisa shwamwa.

Mateo 2:20

“Induka, ambata mwanike amo na vaina, muye ku lifuti lya Isalele, omwo vaje vashakele kutsiya mwanike vanatsi.”

Kujombolola 18:20

“Lilu vwaelela, omwo nau! Yeni vanu va Njambi vwaeleleni, neni miluwa na vaka-kwimanena! Omwo Njambi namuhisa a vije vyalingile kuli yeni!”

Kujombolola 6:10

Co vatambekele na lijwi lyakama ngwavo, “Shukulu Kalunga Muka-nzili yoshe, wakujela na vushunga! Simbu mukajo ukakala ngeci ukasompe vanu va asi nakuvanyanyamesa omwo vatutsiile?”

1 Samwele 18:11

Saulu wendekele mu mbunge yendi ngwendi, “Njikamupameyeya kumo na civumbe.” Co wamwashele likunga luvali, oloni a simbu na simbu Ndaviti lyamulojele.

1 Samwele 19:1

Saulu walekele munendi Yonatana na vamyata vendi voshe vutumbe vwendi vwakutsiya Ndaviti. Oloni Yonatana wazemene Ndaviti,

1 Samwele 19:15

Oloni Saulu wavelwisilileko lalo ngeci vakalimweneye vakevo vavenya. Ikeye wavashikile ngwendi, “Mwambateni na vulili vwendi mumunene kuno njakumutsiye.”

1 Samwele 20:1

Ndaviti watewele kutunda ku Nayote mu Lama, waile kuli Yonatana. Ndaviti wamwihwile ngwendi, “Vikajo njalingi? Mulonga ukajo unjinalingi? Vuvi vuka vunjinalingi kuli isho vwashaka kunjitsiila?”

1 Samwele 23:15

Ndaviti wamwene ngeci Saulu alinakumuyomba ngeci amutsiye. Ndaviti wakele ku Holeshe, mu mambo kuyehi na Zife.

1 Samwele 24:4

Co vanu va Ndaviti vendekele kuli ikeye ngwavo, “Kenga, eli likelyo litangwa lyatumbwile Shukulu Kalunga ngwendi, ‘Njikaka citozi cove mu mavoko ove, ukasa kulinga nendi mwoshe muushakela.’ ” Co Ndaviti wakalavele waile wakavatwile nanga ku mukundwilo wa cikoveyo ca Saulu kwakujeneka Saulu kuzivuka.

1 Samwele 25:29

Nga munu akulwisa nakweseka kukutsiya, Shukulu Kalunga Njambi yove akakwamena, ngwe munu anyunga vufuko vwa seo. Oloni ali vitozi vove, ikeye akavombila kuti, ngwe munu asha limanya mu cipapa cendi ca kenya.