2 Samwele 4:2 - Livulu lya Shukulu Kalunga

² Ishemboshete wakele na vamyata vavali vakevo vapwile vantwama va vimunga vya vaka-kupukula, mazina avo, Mbana, na Lekave, vana va Limone, vakutunda kuli Mbelote wa ku muyati wa Mbenjemani. (Omwo Mbelote nayo vailavela ku mutambela wa Mbenjemani.

2 Samwele 4:2 Iomraidhean Croise

2 Samwele 23:37

na Zeleke wa ku Amoni, na Nahalai wa ku Mbelote, muka-kwambata ntelo ya Yowave,

2 Samwele 3:22

Munima yevi, Yowave na vamyata vakwavo va Ndaviti vatundile ku nzita, vezile na vyuma vyavingi vivakapukwile. Oloni Avinele kakele amo na Ndaviti ku Hevelone, omwo Ndaviti wamushuwile ngeci aye mwamuvwa.

2 Samwele 4:5

Lekave na Mbana vakatukile vaile ku njuvo ya Ishemboshete vetele kuje litangwa kuyehi na akati ka mutwe, Ishemboshete wakele nakuhwima a simbu ije vene.

2 Samwele 4:9

Ndaviti wavakumbulwile ngwendi, “Njilisinga ali Shukulu Kalunga wakuyoya, uje wanjamenene mu vushonde!

2 Vimyene 5:2

Mu nzita imo yakulwisa Isalele, vaSilya vakwatele mwanike wa munakazi wa ku Isalele, co wapwile ngamba ya munakazi wa Namane.

2 Vimyene 6:23

Ngecivene, mwene wa mu Isalele wavalingilile ciwano cakama manene, co omo vanali nakunwa, wavelwisilile kuli mwene wa Silya. Co kutunda aje vaSilya valikelele kulwisa lifuti lya Isalele.

Yoshwa 18:25

Co kwakele lalo Ngimbiyone, na Lama, na Mbelote,

Yoshwa 18:26

na Mizipa, na Kefila, na Moza,

Yoshwa 9:17

Ngecivene, vanu va Isalele vakatukile, co omo kuneti matangwa atatu vetele ku vinganda vije vivatungile vaje vanu, vinganda vyavo vyapwile, Ngimbiyone, na Kefila, na Mbelote, na Kilyate Njelime.