2 Samwele 3:8 - Livulu lya Shukulu Kalunga

⁸ Co Avinele waluvalele manene a majwi a Ishemboshete, wendekele ngwendi, “Kuma yove wayongola ngwove yange njenda Saulu vungungu ndi? Kutunda a litangwa lyakulivanga njapwile wa kulongwa kuli isho Saulu, na kuli vishongo vendi, na kuli vasamba vendi, oloni njamikwasele ngeci Ndaviti kesi amifungulule, co ku litangwa lya lelo unjiwanene mulonga wa munakazi!

2 Samwele 3:8 Iomraidhean Croise

2 Samwele 16:9

Avishai muna Zeluya, wendekele kuli mwene ngwendi, “Shukulu, omwo vikajo unecelela ou katali ngeci akusinge? Njitave njiye njikamuvatule mutwe!”

2 Samwele 2:8

Avinele muna Nele muka-kushika mashwalale va Saulu, wambatele Ishemboshete muna Saulu, wamuteweselele ku Mahanaime.

2 Samwele 3:18

Co eyi ikeyo simbu yeni. Anukeni ngeci Shukulu Kalunga wendekele ngwendi, ‘Njikapangesa ngamba yange Ndaviti akapatule vanu vange vaIsalele kuli vaFilisitiya na kuli vitozi vavo voshe.’ ”

2 Samwele 3:9

Njambi alinge eci kuli Avinele, nambe kutuvakana eci lalo, nga kunjilingilako Ndaviti vije vyalisingile Shukulu Kalunga kuli ikeye,

2 Samwele 5:2

A simbu ya kunima, nameme omo Saulu wapwile mwene yetu, yove watwamenenene vanu va Isalele mu nzita, co Shukulu Kalunga wakukulaesele ngeci ukatwamenena vanu vendi nakupwa mwene yavo.”

2 Samwele 9:8

Co Mefimboshete walemesele lalo nakwendeka ngwendi, “Shukulu, yange kunjakundamene ku vunu, nameme katali wa kutsa ali na seo! Omo vikajo ulinakunjizivila ngozi yangacije?”

2 Vimyene 8:13

Co Hazayele wehwile ngwendi, “Vatijo njikasa kuwana nzili ya cifwa oco? Yange nji munu wangoco!” Elisha wamukumbulwile ngwendi, “Shukulu Kalunga nanjimwesa ngeci yove ukapwa mwene wa Silya.”

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Isaya 37:23

Yove unayongola ngwove iyajo iwunashaula nakuyeluwisa? Yove wanjizivisa shwamwa yange, Njambi ya Isalele wakujela.

Kwituluka mu Mashiko 23:18

Kesi mukanene vimbongo vya mu vukwizi nambe vya mu vundeyi ku Njuvo ya Shukulu Kalunga Njambi yeni mukushulisa cisingo embwe, omwo vyuma vyoshe evi vivali vyapwa vya vunyengwe ku mesho a Shukulu Kalunga.

1 Samwele 15:28

Samwele walekele Saulu ngwendi, “Ku litangwa lya lelo Shukulu Kalunga natundisa vumwene vwa Isalele kuli yove, co navwana kuli mukweni weka nakutuvakana.

1 Samwele 17:43

Co uje kaFilisitiya wendekele kuli Ndaviti ngwendi, “Kuma yange nji katali ndi, ngeci wije kuli yange na mulamu?” Co wasingile Ndaviti ali vinjambi vendi.