2 Samwele 3:39 - Livulu lya Shukulu Kalunga

³⁹ Nameme njapwa nji mwene yanaangula Njambi, oloni litangwa lya lelo njazeye. Vana va Zeluya ava vanapu vaka-kunjilwisa. Shukulu Kalunga ahise mapwepwe ava ngwe muvanalingi vakevo.”

2 Samwele 3:39 Iomraidhean Croise

2 Samwele 16:10

Co mwene wendekele kuli Avishai na kuli ndolome yendi Yowave ngwendi, “Evi kuvyamikundamene embwe. Nga ikeye alinakunjisinga omwo Shukulu Kalunga ikeye namuleke kulingamo, co iyajo ali na moko yakumwihula omwo vika alinakulingamo?”

2 Samwele 19:13

Ndaviti wavalekele lalo vendekele kuli Amasa ngwavo, “Yove unapu kavushoko kange. Kutunda ku ololo njikakupwisa mukulunu wa mashwalale kwinga mu mwela wa Yowave. Nga kunjilisingimo, co Njambi anjihise njitse!”

2 Samwele 19:22

Oloni Ndaviti wendekele kuli Avishai na ndolome yendi Yowave ngwendi, “Iyajo nehula viyongola vyeni? Kuma yeni mushaka kunjaka mu vukalu ndi? Ololo yange njinapu mwene wa vaIsalele, co kukwesi lalo kaIsalele ivakatsiya ku litangwa lya lelo wai.”

2 Samwele 3:38

Ngecivene, mwene wendekele kuli vamyata vendi ngwendi, “Kuma yeni kumwazivukile ngweni ku litangwa lya lelo ntwama wakama wa mu Isalele natsi ndi?

1 Vimyene 2:32

Shukulu Kalunga akahisa Yowave omwo watsiile vanu kwakujeneka tate Ndaviti kuzivuka. Yowave watsiile vanu vavali vakujeneka mulonga vaje vapwile vanu vavavwa kutuvakana ikeye, Avinele, muka-kushika nzita ya Isalele, na Amasa, muka-kushika nzita ya Yunda.

1 Vimyene 2:9

Oloni kuwapandele kumwecela ngoco kujeneka kumunyanyamesa embwe. Uzivuka mwakulinga, co unapande kumona a n̄anda eyi ngeci nendi lalo vamutsiye.”

1 Mizimbu 22:5

Ndaviti wayongwele ngwendi, “Njuvo ya Shukulu Kalunga ije yakatunga munange Solomoni, inapande kupwa yalutsimo na vumpau mu lifuti mwoshe. Oloni ikeye acili mukwenje kanda acikale na mana, ngecivene, njinapande kuvwaesela cimweja vyayo.” Ngecivene, Ndaviti wavwaeselele cimweja vyuma vyoshe vije vivakatonda simbu kanda atse.

1 Mizimbu 29:1

Mwene Ndaviti walekele mbunga yoshe ngwendi, “Munange Solomoni ikeye yanaangula Njambi, oloni ikeye acili mwanike, kesi na mana manene. Vipangi evi vilingiwa vinapu vyakama manene, omwo Njuvo eyi kesi ya vanu embwe, oloni inapu Njuvo ya Shukulu Kalunga Njambi.

2 Mizimbu 13:7

Co munima yevi wakungulwile viyambangani vakujeneka seo, vakevo vafungulwile Lehovowame muna Solomoni, omwo wapwile mwanike wamundondo, wakele na lyova, co kasele kuvalwisa.

Myaso 101:8

A litangwa na litangwa njikolwesa vaka-kujeneka kukulaela vaje vali mu lifuti lyetu, njikatundisa vaka-vuvi voshe mu nganda ya Shukulu Kalunga.

Myaso 28:4

Vahise ngwe ku vije vivanalingi, a vuvi vuje vuvanalingi. Vahise a vilinga vyavo vyoshe, vahise ngwe ku vilinga vyavo!

Myaso 62:12

co njakala na cizemo cije kucesi kutenguluka.” Shukulu Kalunga, yove vavenya ukafwete munu na munu ngwe ku vipangi vyendi.

Myaso 7:16

Vilinga vyavo vyavivi, vikavelukila vakevo vavenya.

Myaso 75:10

Ikeye akanyongesa nzili ya vaka-vuvi, oloni akana nzili kuli vaka-vushunga.

Kutuuka 21:12

“Woshe uje apupa mukwavo nakumutsiya, co na ikeye vamutsiye.

Visimo 20:8

Omo mwene asompa vin̄anda, co avyeseka na vukaleo vwa vije vin̄anda.

Visimo 25:5

Vanu vaka-vuvi vanapande kuvatundisa, simbu kanda mwene ashwane mu vushunga.

Isaya 3:11

Oloni vaka-vuvi vananyongo, muje muvalingile kuli vakwavo mukemwo vakalinga lalo kuli vakevo.

Isaya 7:4

Mulekeni ananguke, ngeci akale mu kwoloka, co kesi azive lyova nambe kujujuka a vukalu vwakama vwa Mwene Lezine wa ku Silya, na vukalu vwa Mwene Peka vuje vunapu ngwe vimbundi vivali vya tuhya vilinakukakama vwisi.

Njelemiya 38:5

Ngecivene, Mwene Zendekiya wavakumbulwile ngwendi, “Lingeni mwoshe mumushakela kulinga nendi, yange kunjasa kumivindika embwe.”

Ndanyele 6:16

Ngecivene, mwene washikile ngeci vakatwale Ndanyele nakumumbila mu mbulu ya vindumba. Co wendekele kuli Ndanyele ngwendi, “Njambi yove, uje iwapangela simbu yoshe na kulongwa, akwamene.”

Kulava 32:23

Oloni nga kumunyungu cikulaeso ceni, co munalingi vuvi ku mesho a Shukulu Kalunga. Kesi muvulumune, co vakamihisa a vuvi vweni.

Loma 13:4

omwo napu ngamba ya Njambi ngeci akulingile vuvwa. Oloni nga ulinga mwamuvi, co muzivile lyova, omwo nzili yendi ya kukunyanyamesa inapu ya vushunga. Ikeye napu ngamba ya Njambi, co alinakunena kunyanyamesa kwa Njambi kuli vaje valinga mwamuvi.

2 Timateo 4:14

Elekizanda uje muka-kufula nanjilingi mwamuvi manene, Mwene akamwana fweto yendi kupwisa ngwe ku vipangi vyendi vyanalingi.

Maako 9:57

Co Njambi lalo wamwesele vanu va ku Shekeme tuyando omwo vuvi vwavo, ngwe Yotame muna Ngilyone wendekele ngeci mukemwo vene muvakafwa omwo wavasingile.