2 Samwele 3:3 - Livulu lya Shukulu Kalunga

³ wamucivali Kilyave, vaina Avingaile, fwile ya Navale, wa ku Kalemele, wamucitatu Avisalome, vaina Maka, muna Talemai mwene wa ku Ngeshule,

2 Samwele 3:3 Iomraidhean Croise

2 Samwele 13:1

Avisalome muna Ndaviti, wakele na ndokazi yendi wamuvwa wa muzike lizina lyendi Tamale. Co Aminone muna Ndaviti wamuzemene manene.

2 Samwele 14:23

Asinoni wakatukile waile ku Ngeshule nakukashaka Avisalome kumunena ku Yelusalema.

2 Samwele 14:24

Nameme ngoco, mwene washikile ngwendi Avisalome kapandele lalo kukala mu lipela embwe. Mwene wendekele ngwendi, “Kunjishaka kumumona.” Ngecivene, Avisalome wakele mu njuvo yendi, co kakele nakusholoka ku mesho a mwene.

2 Samwele 14:32

Avisalome wamukumbulwile ngwendi, “Yove wavyanene kwija omo njakusanene. Njashakele ngeci njikutume kuli mwene ukamwihule ngwove, ‘Omwo vikajo njatundilile ku Ngeshule nakwija kuno? Kuma capwile cacivwa kuli yange nga njatumbamene kuje vene.’ ” Co Avisalome wendekele ngwendi, “Ngecivene, njishaka unjitave ngeci njikalimone na mwene, co nga yange njili na mulonga, mwamuvwa anjitsiye.”

2 Samwele 15:7

Omo kuneti myaka iwana Avisalome wendekele kuli Mwene Ndaviti ngwendi, “Shukulu, njitave njiye ku Hevelone njikashulise cikulaeso cinjalingile kuli Shukulu Kalunga.

2 Samwele 15:8

Omo njakele mu Ngeshule mu Silya, njakulaesele Shukulu Kalunga ngwange nga akanjiilwisila ku Yelusalema, co njikamukombelela n̄ombelo ku Hevelone.”

2 Samwele 18:33

Co mwene wakele na vusiwa manene. Walondele ku mulili wa akamwa ya cikolo, co walilile. Waile nakulila, nakutambekela ngwendi, “Kekange munange! Munange Avisalome! Avisalome munange! Cinapandele nga yange kunjatsa kwinga mu mwela wove, kekange munange! Avisalome munange!”

2 Samwele 2:2

Ngecivene, Ndaviti waile ku Hevelone, na vanakazi vendi vavali, Ahinowame, wa ku Njezelele, na Avingaile, fwile ya Navale, wa ku Kalemele.

1 Vimyene 1:6

Ishe na simbu imo yai yamuluvalesele nakumwihula ngwendi, “Omwo vikajo unalingi ngacije?” Na ikeye lalo wapwile mukwenje wamuvwa manene, ikeye wakavele mu likosi lya Avisalome.

1 Vimyene 2:15

Co Andoniya wamukumbulwile ngwendi, “Yove wazivuka ngeci yange njapandele kupwa mwene, co munu woshe mu Isalele navandamenene eci. Oloni kucalingiwile, co shongo yange ikeye napu mwene omwo eci cinapu cizango ca Shukulu Kalunga.

1 Mizimbu 3:1

Ava vakevo vana va Ndaviti vaje vakitile a simbu ije wakele mu Hevelone. Wa ntwatwa lizina lyendi Aminone, vaina vapwile Ahinowame wa ku Njezelele. Wamucivali Ndanyele, vaina vapwile Avingaile wa ku Kalemele.

1 Mizimbu 3:2

Wamucitatu Avisalome, vaina vapwile Maka muna Mwene Talemai wa ku Ngeshule. Wamuciwana Andoniya, vaina vapwile Hangite.

Kwituluka mu Mashiko 3:14

Njaile mutekulwila wa Manase, ikeye wafungulwile lifuti lyoshe lya Alengove. Eli likelyo lyapwile lifuti lya Mbashane, nakweta ku nginga ya Ngeshule na Maka. Co ikeye walukile membo aje lizina lyendi vavenya, co na lelo lino vacili nakuwatumbula ngwavo membo a Njaile.)

Yoshwa 13:13

Nameme ngoco, vaIsalele kuvashekele vaNgeshule, na vaMaka embwe, oloni na lelo lino vacili nakukala mu Isalele.

1 Samwele 25:3

Munakazi wendi Avingaile wapwile wamuvwa, co lalo wakele na mana akuzivisisa, oloni munalume wapwile wakukaluwa manene, na vilinga vyendi vyapwile vyavivi. Navale wakele nakuteula vimanga vendi mu Kalemele.

1 Samwele 25:42

Co wakatukile vwasi walondele a cimulu cendi. Waile amolika na vangamba vendi va vanakazi vatanu, amo na vangamba va Ndaviti, co wapwile munakazi wa Ndaviti.

1 Samwele 27:8

Co tunde a simbu ije, Ndaviti na vanu vendi vaile nakulwisa vaNgeshule, na vaNgilezi, na vaAmaleke, vaje vakele muje simbu yakama manene. Ikeye wakele nakulwisa lifuti lyavo kweta ku Shule, co kutunda kuje nakweta ku Ingito,