2 Samwele 3:21 - Livulu lya Shukulu Kalunga

²¹ Co Avinele wendekele kuli Ndaviti ngwendi, “Ololo oni njikafungulula Isalele yoshe ngeci ikale ku mutambela wove shukulu yange. Vakakutambula kupwa mwene, co ukambata vyoshe viwushaka, co ukashwana lifuti lyoshe.” Ngecivene, Ndaviti washuwile Avinele, co waile mwamuvwa.

2 Samwele 3:21 Iomraidhean Croise

2 Samwele 2:9

Co Avinele wapwisile Ishemboshete mwene wa lifuti lya Ngilyande, na Ashele, na Njezelele, na Efalime, na Mbenjemani, na lifuti lyoshe lya Isalele.

2 Samwele 3:10

Shukulu Kalunga wakulaesele Ndaviti ngeci akatundisa vumwene ku njuvo ya Saulu na vatekulwila vendi, co akapwisa Ndaviti mwene wa Isalele na Yunda, kutunda ku Ndani kweta na ku Mbeleshemba.”

2 Samwele 3:12

Avinele watumine miluwa kuli Ndaviti, a simbu ije Ndaviti wakele ku Hevelone, vendekele ngwavo, “Iyajo akashwana eli lifuti? Linga cikumiiyo nange, co njikakukwasa ngeci ufungulule Isalele yoshe ikale ku mutambela wove.”

2 Samwele 3:20

Omo Avinele waile kuli Ndaviti ku Hevelone na vanalume makumi avali, co Ndaviti wavalingilile ciwano.

2 Samwele 5:3

Ngecivene, vantwama voshe va Isalele vezile kuli Mwene Ndaviti ku Hevelone. Ngecivene, walikumiiye cikumiiyo cakujela navo, co vamuvwavesele, wapwile mwene wa mu Isalele.

1 Vimyene 11:37

Yove Yelovowame, njikakupwisa mwene wa mu Isalele, co ukashwana mutambela woshe uje uushaka.

Myaso 20:4

Ikeye akwane vyoshe viwushaka, co mu lizina lya Njambi, matumbe ove oshe aye kulutwe.

Filipu 2:21

Munu na munu alinakulimwena vyendi vavenya, kesi a vin̄anda vya Yesu Kilistu.