2 Samwele 24:24 - Livulu lya Shukulu Kalunga

²⁴ Oloni mwene wamukumbulwile ngwendi, “Embwe, njikufweta vene ndando yaivwa. Kunjasa kukombelela kuli Shukulu Kalunga Njambi vin̄ombelo vya kulanda embwe.” Co walandele lije lijungwilo na vingombe, na mavundungulu a siliva makumi atanu.

2 Samwele 24:24 Iomraidhean Croise

Kushangumuka 23:11

“Embwe mwane, njitolilileni! Njikakwana lihya lyoshe na linzenzengoma lyamwo lyoshe. Njikakwanavyo, ano vene ku mesho a vavushoko vwange, ngeci wase kutsindamo munakazi wove.”

Kushangumuka 23:13

wendekele kuli Efelone ngeci munu woshe ase kulizivila ikeye vavenya ngwendi, “Njimilomba, ngeci munjitolilile vakwetu. Njilanda lihya eli lyoshe. Tambuleni ndando yange ngeci njitsinde munakazi wange kuno.”

Kushangumuka 23:16

Avilahama watavele, co wafwetele ndando ije yatumbwile Efelone, na vaHiti vazivileko. Yapwile mu vimbongo vyakupwa 400 vya mavundungulu a siliva, ngwe ku seteko ije vakele nakweseka nayo vaka-kulandesa.

1 Mizimbu 21:1

Satana washakele kunena vukalu ali vanu va Isalele, co wasindiiye Ndaviti ngeci alave vaIsalele.

1 Mizimbu 22:1

Ngecivene, Ndaviti wendekele ngwendi, “Kuno kukekwo vakatungila Njuvo ya Shukulu Kalunga Njambi. Oku kukekwo ku mutula kuje vanu va Isalele vakakombelela vin̄ombelo vya kwenyeka.”

Loma 12:17

Nga umo nakuviisila, kesi umwilwisile vuvi vwendi lalo embwe. Lingeni vyavivwa ku mesho a vanu voshe.