2 Samwele 24:22 - Livulu lya Shukulu Kalunga

²² Co Alauna wamukumbulwile ngwendi, “Wambate ngano shukulu, ngeci wane kuli Shukulu Kalunga vyoshe viwushaka. Co lalo vingombe vakwenyekela a mutula kupwa n̄ombelo, na vimandauluwa vyavo evi amolika na mavaya akujungwila ngeci vipwe vitale.”

2 Samwele 24:22 Iomraidhean Croise

Kushangumuka 23:11

“Embwe mwane, njitolilileni! Njikakwana lihya lyoshe na linzenzengoma lyamwo lyoshe. Njikakwanavyo, ano vene ku mesho a vavushoko vwange, ngeci wase kutsindamo munakazi wove.”

1 Vimyene 19:21

Asinoni Elisha waile ku vingombe vendi, wavatsiile, co watelekele situ, co vimandauluwa vikevyo vyapwisile vitale. Waanene situ kuli vanu, co valile. Asinoni wakavele Elinja kupwa muka-kumukwasa.

1 Mizimbu 21:22

Co Ndaviti wendekele kuli ikeye ngwendi, “Njilandese mutambela wa lijungwilo lyove, ngeci njitungileo mutula wa Shukulu Kalunga, ngeci mushongo wakulitambwisa uhwe ku vanu. Njikufweta ndando yaivwa.”

Maako 6:26

Co tungila Shukulu Kalunga Njambi yove mutula wa vutongwe akamwa ya limanya. Asinoni wambate uje ngombe wa nkomba wamucivali, mwenyeke woshe apwe n̄ombelo, na vitale vije vya manda ya Ashela vije unavatozola.”

1 Samwele 6:14

Co litemba lyezile mu lihya lya Yoshwa, uje wakele ku Mbete Shemeshe, co lyemanene kumukulo wa limanya lyakama. Co vanu vavatozwele mavaya a litemba nakutsiya vije vingombe va lwavo nakuvakombelela kupwa n̄ombelo ya kwenyeka kuli Shukulu Kalunga.