2 Samwele 24:17 - Livulu lya Shukulu Kalunga

¹⁷ Ndaviti wamwene kangelo uje wakele nakutsiya vanu, co wendekele kuli Shukulu Kalunga ngwendi, “Yange vene njili na mulonga. Yange njalingile mwamuvi. Indi ava vanu vayanda vanalingi vikajo? Yove unapande kuhisa yange na naanga yange.”

2 Samwele 24:17 Iomraidhean Croise

Kushangumuka 18:23

Co Avilahama washwenyele kuli Shukulu Kalunga wamwihwile ngwendi, “Mwa vushunga ulinakuya nakunyongesa vaka-vushunga amo na vaka-vuvi ndi?

Kushangumuka 44:33

Ngecivene, ololo tava yange ngamba yove njipwe ndungo ya shukulu yange kwinga mu mwela wa mukwenje. Mweseleni aye amo na vandolome vendi.

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Samwele 24:10

Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

2 Samwele 7:8

“Ngecivene, leka ngamba yange Ndaviti ngwove, yange, Kalunga Muka-nzili yoshe, njendeka kuli ikeye ngwange, ‘Njakutundisile mukulisa vimanga mu shwata, co njakupwisile muka-kushwana vanu vange va Isalele.

1 Vimyene 22:17

Mikaya wamukumbulwile ngwendi, “Mu cimona njamwene mashwalale va Isalele valishandokela akamwa ya malundu ngwe vimanga vakujeneka kanyungi. Co Shukulu Kalunga wendekele ngwendi, ‘Ava vanu kuvesi na ntwama, veceleni veluke ku membo mu kwoloka.’ ”

Yombi 42:6

Ngecivene, njinazivi shwamwa ya vije vyoshe njinendeka, co njitumbama mu livu na mu lito kumwesa ngeci njinatenguluka.

Yombi 7:20

Nga njinalingi vuvi, vikajo njikalinga kuli yove? Yove muka-kunyunga vanu nakuvakenga. Omwo vikajo unanjipangesa mu vipangi a seteko iwunamanga? Kuma yange njinapu citele cakama kuli yove ndi?

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Myaso 44:11

Yove watavele ngeci vatutsiye ngwe vimanga, co watushandwelele ku mafuti eka.

Myaso 74:1

Omwo vikajo unatusezela yove Njambi? Kuma ukaluvala na vanu vove ku myaka yoshe ndi?

Myaso 78:71

wamutundisile ku matanga a vimanga akupwa 1,000, co wamupwisile mwene wa Isalele, kanyungi ka vanu va Njambi.

Kutuuka 10:16

Asinoni mwene wasanene vwasi-vwasi Mosesa na Alone wendekele ngwendi, “Njinalingi vuvi ku mesho a Shukulu Kalunga Njambi yeni na ku mesho eni.

Isaya 6:5

Co njendekele ngwange, “Kunjesi na cinyangavili! Ngongo yange, omwo majwi aje atunda mu kanwa kange apwa majwi a vuvi, co lalo njayoya akati ka vanu vaje vendeka majwi a vuvi. Co ololo mesho ange anamono Mwene, Shukulu Kalunga Muka-nzili yoshe.”

Yona 1:12

Yona wavakumbulwile ngwendi, “Njikakuleni munjumbile mu mema a kalunga ngeci kulendemane. Njazivuka ngeci omwo mulonga wange mukemwo lihunzi lyakama linaija ali yeni.”

Zakaliya 13:7

Shukulu Kalunga Muka-nzili yoshe alinakwendeka ngwendi, “Induka mukwale, ngeci ulwe na kanyungi kange uje muka-kunjipangela! Mutsiye, co vimanga vakalishandoka. Yange njikalwisa vanu vange,

Kulava 16:22

Oloni Mosesa na Alone valyumbilile asi, co vendekele ngwavo, “Yove Njambi, yove wapwa nsina ya vanu voshe. Nga munu umo alinga vuvi, co yove uluvala na mbunga yoshe ndi?”