2 Samwele 24:13 - Livulu lya Shukulu Kalunga

¹³ Co Ngande waile kuli Ndaviti, nakumuleka vije vyendekele Shukulu Kalunga, co wamwihwile ngwendi, “Waangulao cuma cika? Myaka itatu ya njala mu lifuti lyove, nambe vingonde vitatu utunde mu lifuti kutewa vitozi vove, nambe matangwa atatu a mushongo wakulitambwisa mu lifuti lyove? Co ololo yongolao mwamuvwa, unjileke muukumbulwilao njiilwise kuli Shukulu Kalunga.”

2 Samwele 24:13 Iomraidhean Croise

2 Samwele 21:1

Omo Ndaviti washwanene, kwakele njala ya lyangengela myaka itatu yoshe yamutunu. Ngecivene, Ndaviti wehwile Shukulu Kalunga a vyuma evi, co Shukulu Kalunga wendekele ngwendi, “Saulu na naanga yendi vali na mulonga wakutsiya omwo vatsiile vanu va ku Ngimbiyone.”

2 Samwele 24:12

‘Shukulu Kalunga nendeka ngwendi akwana vyuma vitatu angulao cimo ngeci njicilinge kuli yove.’ ”

2 Vimyene 8:1

Elisha walekele munakazi wa mu Shuneme, uje wakele na mwana yendwile ku vatsi ngwendi, “Katuka uye na naanga yove kwoshe kuje mukalishukila, omwo Shukulu Kalunga akatuma njala ya lyangengela mu lifuti, ikakalako myaka itanu na ivali.”

1 Mizimbu 21:12

Myaka itatu ya njala? Nambe vingonde vitatu vyakutewa vitozi vove? Nambe matangwa atatu aje Shukulu Kalunga akalwa nove na mukwale wendi, co akatuma mushongo wakulitambwisa mu lifuti lyove, akapangesa kangelo kendi kunena kutsa mu Isalele mwoshe? Yongolao a vyuma evi, co njileke cikumbululo cije cinjikaleka Shukulu Kalunga.”

Myaso 91:6

nambe lyova lya mishongo ije iita ku vutsiki, nambe lyova lya vyuma vije vinyongesa vanu mutanya mwelu.

Kutuuka 7:25

Co kwetile matangwa atanu na avali kutunda aje Shukulu Kalunga wapupile a ndonga.

Ezekiyele 14:13

“Muna munu, nga lifuti lilinga vuvi, nakujeneka kulongwa kuli yange, co njikolola livoko lyange nakuviisa vyakulya vyamwo. Co njikatumamo njala ya lyangengela nakutsiya vanu na tusitu mu cifwa cimolika.

VaLevi 26:20

Co vipangi vyeni vyoshe vya nzili kuvikamikwasa, omwo livu lyeni kulikamenesa vimbuto, co na miti lalo kuyikemi vushuka vwai.

VaLevi 26:25

Njikanena nzita ali yeni ya kumihisa omwo munapokola cikumiiyo cange, nga mukalikungulwila mu vinganda vyeni nakuvandamo, co njikatuma mushongo wa lulanga akati keni, njikamikundika kuli vitozi veni ngeci vakamishwane.

Luka 4:25

“Njitolilileni, mwa vushunga njimileka ngwange, mu Isalele mwakele vifwile vavangi a matangwa a Elinja, omo nyonzi kuyanyokele myaka itatu na vingonde vitanu na imo, co kwakele njala ya lyangengela mu lifuti lyoshe.

Kwituluka mu Mashiko 28:22

Shukulu Kalunga akaminyanyamesa na mishongo ya lulanga, na mishongo ya lisika-sika na mazimbo, nakwenya kwa ngungu, na malanga na lihunzi, na mbundu-mbundu mukunyongesa vimbuto vyeni. Co vyuma evi vikatwalao noo munanyongo.

Kwituluka mu Mashiko 28:25

“Shukulu Kalunga akamyecelela vitozi veni ngeci vamifungulule. Co yeni mukavalwisila ku mutambela umo, oloni mukatewela mu mitambela mwoshe. Vanu voshe va ano asi vakalikomokela manene omo vakamona vije vikalingiwa kuli yeni.

Kwituluka mu Mashiko 28:27

Shukulu Kalunga akatuma mazimbo ali yeni ngwe mwalingile kuli vaka-Ingito. Mivila yeni ikajamozoka vimbandu, na mishongo yakulijwa. Kukukakala vyemba vyai.

Kwituluka mu Mashiko 28:35

Shukulu Kalunga akatuma vimbandu vyakwonwa kusaka ku mendi eni, co mazimbo akatunda ku mutwe nakweta ku vikanzi.

Kwituluka mu Mashiko 28:52

Vakalwisa nganda na nganda ije ili mu lifuti lije lyakamyana Shukulu Kalunga Njambi yeni, na vivumbe vyakukola vyavilaja, vije mwakulaela vikasiwuka.

1 Samwele 25:17

Shukulu, yongolao mwamuvwa umone muulingila. Amo cuma eci cikanena vukalu kuli shukulu yetu amolika na naanga yendi yoshe. Omwo wapwa munu wakukaluwa mbunge, co kasa kutolilila kuli munu!”