2 Samwele 24:12 - Livulu lya Shukulu Kalunga

¹² ‘Shukulu Kalunga nendeka ngwendi akwana vyuma vitatu angulao cimo ngeci njicilinge kuli yove.’ ”

2 Samwele 24:12 Iomraidhean Croise

2 Samwele 12:14

Oloni omwo unamwesa kashaundu kangacije kuli Shukulu Kalunga akulinga evi, munove akatsa.”

2 Samwele 24:11

Omo Ndaviti wendukile mutondo, co lijwi lya Shukulu Kalunga lyezile kuli Ngande muka-kwimanena wa Ndaviti ngwalyo, “Ya ukaleke Ndaviti ngwove,

2 Samwele 24:13

Co Ngande waile kuli Ndaviti, nakumuleka vije vyendekele Shukulu Kalunga, co wamwihwile ngwendi, “Waangulao cuma cika? Myaka itatu ya njala mu lifuti lyove, nambe vingonde vitatu utunde mu lifuti kutewa vitozi vove, nambe matangwa atatu a mushongo wakulitambwisa mu lifuti lyove? Co ololo yongolao mwamuvwa, unjileke muukumbulwilao njiilwise kuli Shukulu Kalunga.”

1 Mizimbu 27:24

Yowave muna Zeluya ikeye washangumukile kulava vanu, oloni kamanesele kuvalava. Co vukalu vwa Njambi vwezile a Isalele, omwo akulava oku, ngecivene, vungi vwavo kuvavasonekele mu mavulu a Mwene Ndaviti.

Visimo 3:12

Omwo Shukulu Kalunga akashungamesa vaje vaazema, ngwe muje cisemi mwakashungamesa mwana uje yavwaelela muli ikeye.

Njelemiya 30:11

Yange njili amo neni nakumyamena. Njikanyongesa miyati ya vanu voshe, kuje kunjamishandwelelele, oloni kunjikaminyongesa, kunjikamyecelela ngoco kuminyanyamesa, oloni omo njiminyanyamesa, co njikamizivila mema ku mbunge. Yange Kalunga, njinendekamo.”

VaLevi 26:41

ngeci njaluvalele nakuvatengulukila nakuvashekela ku vundungo mu lifuti lya vitozi vavo. Cooni nga vatekulwila veni valitavela mulonga wa vuvi vwavo, co vashangumuka kukala mwamuvwa,

VaLevi 26:43

Nameme ngoco, akulivanga vanu vaIsalele vanapande kuseza livu, ngeci livu lihwime omo naumo wai alinakulimamo, co vakevo vanapande kufweta mulonga wakuvyana mashiko ange, na vilongesa vyange.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.