2 Samwele 24:10 - Livulu lya Shukulu Kalunga

¹⁰ Oloni omo Ndaviti wamanesele kulava vanu, citaku-taku camuyandesele manene, co wendekele kuli Shukulu Kalunga ngwendi, “Njinavulumuna manene akulinga cuma eci! Shukulu njisambese. Njinalingi mwavulema.”

2 Samwele 24:10 Iomraidhean Croise

2 Samwele 12:13

Ndaviti wendekele ngwendi, “Njinalingi vuvi kuli Shukulu Kalunga.” Co Natane wamulekele ngwendi, “Shukulu Kalunga nakusambesa ku vuvi vwove, kuukatsi embwe.

2 Samwele 24:17

Ndaviti wamwene kangelo uje wakele nakutsiya vanu, co wendekele kuli Shukulu Kalunga ngwendi, “Yange vene njili na mulonga. Yange njalingile mwamuvi. Indi ava vanu vayanda vanalingi vikajo? Yove unapande kuhisa yange na naanga yange.”

1 Vimyene 8:35

“Omo ushoka lilu, co nyonzi kunyoka kwai, omwo vanu vanavulumuna kuli yove, oloni omo vatenguluka nakukenga ku Njuvo eyi, nakulombela nakulilumbilisa kuli yove,

1 Mizimbu 21:7

Oloni Njambi kavwaelelele na vije vyalingiwile, ngecivene, wahisile Isalele.

1 Mizimbu 21:8

Co Ndaviti wendekele kuli Njambi ngwendi, “Njinavulumuna manene akulinga cuma eci! Shukulu njisambese. Njinalingi mwa vulema.”

2 Mizimbu 16:9

Shukulu Kalunga akanyungu kaye koshe, ngeci amwese nzili vaje vanakulaela kuli ikeye na vimbunge vyavo vyoshe. Yove unalingi mwa vulema, cooni kutunda ku lelo nakutwala kulutwe simbu yoshe ukakala mu nzita.”

2 Mizimbu 32:26

Oloni akukotoka, Hezekiya na vanu vaje vakele mu Yelusalema valikeesele, co vukalu vwa Shukulu Kalunga kuvwezile ali vakevo noo Hezekiya watsile.

Yombi 7:21

Omo vikajo kuwesi kunjisambesela ku vivulumuna vyange? Kuma kuwasa kunjecela ku kupenga-penga kwange oku njilinakulinga? Njikalala mu mbumbo, co mukanjishakezeka, oloni kumukanjiwana.”

Myaso 32:5

Njalitavelele vivi vyange kuli yove, co kunjakushwekelele vuvi vwange, njalyendekesele mu mbunge yange ngwange, “Njikalitavela vivulumuna vyange kuli yove Shukulu Kalunga,” co yove wanjisambesele ku milonga ya vuvi vwange.

Kutuuka 10:16

Asinoni mwene wasanene vwasi-vwasi Mosesa na Alone wendekele ngwendi, “Njinalingi vuvi ku mesho a Shukulu Kalunga Njambi yeni na ku mesho eni.

Visimo 28:13

Uje ashweka vuvi vwendi kakavezika, oloni uje alitavelavwo nakuvuseza Njambi akamuzivila mema ku mbunge.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Kulava 12:11

Co wendekele kuli Mosesa ngwendi, “Mwane shukulu yange, kesi utuhise omwo tunalingi vya vulema nomu lalo tunalingi vuvi.

Mako 7:22

kulinga vupangala, kuliveya, nakulinga vyuma vyoshe vya vivi, kukwisa, mashungu amavi, cipululu, vungumba, kulyalesa, na vulema,

Yowano 1:29

Alikaki Yowano wamwene Yesu alinakwija kuli ikeye, co wendekele ngwendi, “Kengeni, Muna Manga wa Njambi, uje muka-kutundisa vuvi vwa vaka-kaye!

Yowano 8:9

Oloni omo vazivile ngeci, voshe vaile, umo na umo, kushangumukila kuli vakulunu. Co Yesu wasalele endi lika, na uje munakazi anga nemana lwii kuje.

Kwituluka mu Mashiko 32:6

Kuma eyi ikeyo ngila imukapangesa nayo kuli Shukulu Kalunga ndi? Eni vikolokomba vakujeneka mana! Ikeye ishweni, uje wamitangele, ikeye wamipwisile muyati.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.

1 Samwele 13:13

Co Samwele wamukumbulwile ngwendi, “Eci cinapu cuma cavulema ciwunalingi. Kuwononokele lishiko lije lyakwanene Shukulu Kalunga Njambi yove. Nga unononokele, nga nakwasesa yove na vatekulwila vove kushwana Isalele myaka yoshe.

1 Samwele 24:5

Oloni Ndaviti wakele na citaku-taku omwo wavatwile nanga ya ku mukundwilo wa cikoveyo ca Saulu,

1 Samwele 24:6

co Ndaviti wendekele kuli vanu vendi ngwendi, “Shukulu Kalunga anjivindike kulinga cuma cakuvulumuna shukulu yange, ou yanavwavesa kupwa mwene! Yange kunjapandele kumuvulumuna nambe kamandondo, omwo napu mwene wakuvwavesa kuli Shukulu Kalunga!”

1 Samwele 26:21

Co Saulu wamukumbulwile ngwendi, “Njalingi mwamuvi. Iluka, Ndaviti munange! Kunjikelukilamo lalo kukuvulumuna, omwo unamena mwonyo wange ku vutsiki vwa lelo. Njapwile nji cilema! Njinalingi cuma cacivi manene cakukomokesa!”