2 Samwele 24:1 - Livulu lya Shukulu Kalunga

¹ Shukulu Kalunga waluvalele na Isalele lalo, co walingisile Ndaviti kunena vukalu ali vakevo. Co Shukulu Kalunga wendekele kuli ikeye ngwendi, “Ya ukalave vanu va Isalele na Yunda.”

2 Samwele 24:1 Iomraidhean Croise

Kushangumuka 45:5

Oloni kesi mulishoshomwene nambe kuliluvalesa yeni vavenya omwo mwanjilandesele kuno embwe. Mwa vushunga Njambi wanjitumine kuno mukwamena myonyo ya vanu.

Kushangumuka 50:20

Yeni mwanjiyongwele kunjilinga mwamuvi, oloni vuvi ovu Njambi wavutengulwile kuvupwisa vuvwa, ngeci vanu vavangi vayoye, ava vacili nakuyoya na lelo lino, omwo a cuma eci calingiwile.

2 Samwele 12:11

Njalisingi ngeci njikalingisa umo wa ku naanga yove kunena vukalu ali yove. Ukacimona omo njikakutambula vanakazi vove nakuvana kuli munalume weka, co ikeye akalala navo mutanya mwelu.

2 Samwele 16:10

Co mwene wendekele kuli Avishai na kuli ndolome yendi Yowave ngwendi, “Evi kuvyamikundamene embwe. Nga ikeye alinakunjisinga omwo Shukulu Kalunga ikeye namuleke kulingamo, co iyajo ali na moko yakumwihula omwo vika alinakulingamo?”

2 Vimyene 3:6

Co vwasi-vwasi Mwene Njolame watundile mu Samaliya, co wakungulwile mashwalale vendi va nzita.

1 Mizimbu 21:1

Satana washakele kunena vukalu ali vanu va Isalele, co wasindiiye Ndaviti ngeci alave vaIsalele.

1 Mizimbu 7:2

Tola wakele na vana vatanu na umo mazina avo, Uzi, na Lefaya, na Njelyele, na Njahemai, na Imbesamu, na Shemwele. Vakevo vapwile vakulunu va cikota ca Tola, co vapwile mashwalale va lutsimo. A simbu ya Mwene Ndaviti vungi vwa vatekulwila vavo vapwile 22,600.

1 Mizimbu 7:40

Voshe vaje vapwile vatekulwila va Ashele. Vakevo vapwile vakulunu va naanga, vanalume va lutsimo na nzili mukulwa, na vantwama va mana. Vatekulwila va Ashele vapwile 26,000 vaje vasele kupanga vipangi vya vushwalale.

2 Mizimbu 32:25

Oloni Hezekiya walyalesele manene, kamwesele kasingimiko a vije vyamulingilile Shukulu Kalunga, ngecivene, vukalu vwa Shukulu Kalunga vwezile ali ikeye na a Yunda na a Yelusalema.

Kutuuka 7:3

Oloni yange njikakaluwisa mbunge ya mwene, co kakatava kukutolilila, nameme njikatumisa vizivukiso na vikomokeso vyakufwa vati mu Ingito.

Ezekiyele 14:9

“Nga muka-kwimanena akumbulula vya makuli, yange Kalunga njinamulingisa ngeci akumbulule vya makuli. Co njikamutundisa ku vanu va Isalele.

Ezekiyele 20:25

“Asinoni njavanene mashiko amavi, nakushika kwakuvi ngeci kesi vase kuyoya.

VaLevi 10:6

Asinoni Mosesa wendekele kuli Alone, na kuli vana vendi, Elyazale, na Itamale ngwendi, “Kesi mulikele kusakula vin̄ambu vyeni, co lalo kesi mutavule vuzalo vweni mukumwesa ngeci mulinakulila embwe. Nga yeni mulingamo, co mukatsa, Shukulu Kalunga akaluvala na mbunga yoshe. Oloni vavushoko vweni vaIsalele voshe vanavatavesa kulila a kutsa oku kunalingiwa na tuhya tuje Shukulu Kalunga watumine.

Kulava 1:19

ngwe muje mwashikile Shukulu Kalunga. Ngecivene, Mosesa wavalavelele mu Mambo ya Sinai.

Vilinga vya Miluwa 4:28

Valikungulwile nakulinga vyoshe vije viwashakele laja na nzili yove na cizango cove ngeci vikalingiwe.

2 Tesalonika 2:11

Ngecivene, Njambi natumu nzili yakuvasevwisa mukupanga muli vakevo ngeci vakulaele vije vinapu vya makuli,

Maako 2:14

Ngecivene, Shukulu Kalunga waluvalele manene na vaIsalele, co wavakundikile ku mavoko a vezi vaje vevile vyavo. Co Shukulu Kalunga wavakundikile ku vitozi vavo vaje vavazengelekele, ngeci kuvasele lalo kwimana ku mesho a vitozi vavo.

Maako 2:20

Ngecivene, Shukulu Kalunga waluvalele manene na vaIsalele nakwendeka ngwendi, “Omwo muyati wa vanu ava vanapokola cikumiiyo cije njalikumiiye na vakukulwila vavo, co vakevo kuvanjononokele,

1 Samwele 26:19

Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.