2 Samwele 23:3 - Livulu lya Shukulu Kalunga

³ Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

2 Samwele 23:3 Iomraidhean Croise

Kushangumuka 33:20

Co kuje Yakomba watungile lalo mutula nakuuluka lizina lyawo ngwendi, “Njambi, ikeye Njambi ya Isalele.”

2 Samwele 22:32

Shukulu Kalunga endi lika ikeye Njambi. Njambi endi lika ikeye cimpaka cetu.

2 Samwele 8:15

Ngecivene, Ndaviti washwanene Isalele yoshe, co walingile mwamuvwa na vushunga kuli vanu vendi.

1 Vimyene 10:9

Vashangazale Shukulu Kalunga Njambi yove! Nakumwesa kuvwaelela kwendi akukupwisa mwene wa mu Isalele. Omwo cizemo cendi a Isalele cije kucesi kutenguluka, ikeye nakupwisa mwene yavo ngeci unyunge mashiko na vushunga.”

Nehemiya 5:14

A myaka yoshe likumi na ivali ije njapwile nguvulu mu lifuti lya Yunda, kutunda ku mwaka wamumakumi avali uje Aletasheleshe wapwile mwene noo mwaka wendi wamumakumi atatu na ivali, nambe vavushoko vwange nambe yange, kutwalile vyakulya vije vanjimikilile vya vunguvulu.

Yombi 34:17

Kuma mulinakuhisa vushunga vwa Njambi ndi? Kuma mwayongola ngweni Njambi wazinda vushunga ndi?

Myaso 110:2

Shukulu Kalunga akatava nzili yove kutunda ku Siyone, co ukashwana akati ka vitozi vove.

Myaso 42:9

Njikendeka kuli Njambi uje wapwa cimpaka cange ngwange, “Omwo vikajo unanjivalela? Omwo vikajo njilinakuyandela ku muuka wa vitozi vange?”

Myaso 72:1

Longesa mwene kusompa na vushunga vwove yove Njambi, mulongese kupanga mwa vushunga,

Myaso 72:2

ngecivene, akaakwile vanu vove mu vushunga, nakusompela vaka-kuyanda mu vushunga.

Kutuuka 18:21

Oloni unapande kwangula vanalume vamo vakunyanyama uvemike vapwe vantwama va vanu, vantwama va makulukazi, na ava va viita, na ava va makumi atanu, na ava va likumi. Vakevo vanapande kupwa vanalume vakukomoka Njambi, va vushunga, vaka-kuzinda lizika-kanwa.

Kutuuka 20:2

“Yange njapwa Kalunga Njambi yeni, uje wamitundisile mu Ingito, kuje kumwakele mu vinzinda.

Kutuuka 3:15

Njambi wendekele lalo kuli Mosesa ngwendi, “Endeka kuli vaIsalele ngwove, ‘Yange Kalunga, Njambi ya vakukulwila veni, ikeye Njambi ya Avilahama, na Isake, na Yakomba, ikeye nanjitumu kuli yeni.’ Eli likelyo likapwa lizina lyange ku myaka yoshe, omu mukemwo muvakanjitumbula ku visemwa vyoshe vikaija kulutwe.

Visimo 31:9

Vendekeleko nakusompa mwa vushunga. Nyunga vije vinapande kuli kautu na muka-kujeneka.”

Isaya 32:1

Kengeni, mwene akashwana mu vushunga, na vantwama va lifuti vakashika mwa kulongwa.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Zakaliya 9:9

Joleleni, joleleni, yeni vanu va mu Siyone! Tambekeni nakujolela, yeni vanu va mu Yelusalema! Kengeni, mwene yeni alinakwija kuli yeni! Aija mu vumpau nakuhyana, oloni wa kulikeesa nalondo a cimulu, a muna cimulu, wamundondo.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

VaHevelu 1:8

Oloni nameme ngoco ali Mwana, Njambi wendekele ngwendi, “Litanda lyove, Yove Njambi, likakala ku myaka yoshe! Washwana vanu vove na vushunga.