2 Samwele 23:15 - Livulu lya Shukulu Kalunga

¹⁵ Ndaviti wakele na mangunge akwiluka kwimbo, co wendekele ngwendi, “Tawe, nga na munu wakunjiilako akanjishakeleko mema akunwa a mu lisima lya kuyehi na cikolo ca ku Mbetelehema!”

2 Samwele 23:15 Iomraidhean Croise

Kushangumuka 35:19

Ngecivene, Lakele watsile, vamutsindile kumukulo wa ngila ya Efaleta, ikeyo Mbetelehema ololo.

2 Samwele 23:16

Co vaje mashwalale va lutsimo vatatu, valicikininine kwita mukati ka cilombo ca vaFilisitiya, kuya nakutekula mema mu lisima, co vawanenele kuli Ndaviti. Oloni kaanwile, waetilile kuwapwisa ngwe n̄ombelo kuli Shukulu Kalunga,

1 Mizimbu 11:17

Ndaviti wakele na mangunge akwiluka kwimbo, co wendekele ngwendi, “Tawe, nga na munu wakunjiilako akanjishakeleko mema akunwa a mu lisima lya kuyehi na cikolo ca ku Mbetelehema!”

Myaso 119:81

Mbunge yange inazeye yove Shukulu Kalunga, njilinakuvandamena yove ngeci unjamene, njakulaela mu lijwi lyove.

Myaso 63:1

Yove Njambi, yove unapu u Njambi yange, njikulemesa, mbunge yange ishakezeka yove, yange njikushakezeka ngwe munjikashakezeka mema mu mambo.

Isaya 41:17

“Omo tuutu na vaka-kujeneka vashakezeka mema, oloni kuvakaawana, co a milivu yavo ominina cau na lihwila, asinoni yange Kalunga, Njambi wa Isalele njikavakwasa, kunjikavevala embwe.

Isaya 44:3

“Njikaka mema mu lifuti lya mema, nakwitisa mita ya vana va vindonga vya mema mu nunda. Njikana vana vove Munzinzime wange, na vivezikiso vyange njikavyana kuli vatekulwila vove.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 7:37

Alitangwa lyakumaneselela likelyo litangwa lyakama lya ciwano, Yesu wemanene, co wendekele na lijwi lyakama ngwendi, “Woshe ali na lihwila aije kuli yange anwe.