2 Samwele 22:44 - Livulu lya Shukulu Kalunga

⁴⁴ Wanjamenene kuli vanu vange vaje vanjitengulukilile, nakunjipwisa muka-kushwana miyati, vanu vaje kunjazivukile, ololo vanjipangela.

2 Samwele 22:44 Iomraidhean Croise

2 Samwele 19:14

Co majwi a Ndaviti akokele vimbunge vya vanu voshe va mu Yunda, co vamutuminine majwi ngeci eluke na vamyata vendi voshe.

2 Samwele 19:9

Co vanu voshe va mu lifuti valijokotesele akati kavo. Valyendekesele umo na mukwavo ngwavo “Mwene Ndaviti watuyoyesele ku vitozi vetu. Ikeye watupatwile kuli vaFilisitiya, co ololo natewa kuli Avisalome naseza lifuti.

2 Samwele 20:22

Asinoni waile kuli vanu va muje mu nganda na vutumbe vwendi, co vatapele mutwe wa Shemba vaumbilile akamwa ya civumbe kuli Yowave. Co Yowave wembile lupembo lwa cizivukiso kuli vanu vendi ngeci vatunde muje mu nganda, co velukile kwimbo. Yowave nendi lalo welukile ku Yelusalema kuli mwene.

2 Samwele 3:1

Nzita ya akati ka mashwalale vemanenene naanga ya Saulu na mashwalale vaje vemanenene naanga ya Ndaviti yakele simbu yakama. Co nzili ya mashwalale va naanga ya Ndaviti yapwile yakama manene, oloni nzili ya mashwalale va naanga ya Saulu yakele nakuzeya.

2 Samwele 5:1

Asinoni miyati yoshe ya Isalele vaile kuli Ndaviti ku Hevelone nakwendeka kuli ikeye ngwavo, “Yetu tunapu tu vavushoko vwove na maninga ove.

Myaso 110:6

Akasompa miyati, akatsena vimyene a kaye koshe, nakulundika vivimbi mitumbo-mitumbo.

Myaso 18:43

Yove unanjamena kuli vanu vaka-kutengulukila, nakunjipwisa muka-kushwana miyati, vanu vaje kunjazivukile ololo vanjipangela.

Myaso 2:8

Njilombe, co njikakwana miyati yoshe kupwa vushwana vwove, co kaye koshe kakapwa vufuko vwove.

Isaya 55:4

Njamupwisile ntwama na muka-kushika miyati ya vanu, co wapwile mukaleo wange kuli vakevo.

Isaya 55:5

Ololo mukasana miyati yeka, ije kumwazivukile akulivanga, oloni vakaija lumbisi nakulipandakana neni! Yange Kalunga, Njambi yeni, Njambi wakujela wa Isalele, njikalinga ngeci vyoshe evi vinapande kulingiwa, njikamishangazala nakumyana vumpau.”

Isaya 60:12

Miyati ya vanu vaje vakavyana kukupangela vakainyongesa njwa.

Isaya 65:1

Shukulu Kalunga wendekele ngwendi, “Njashakele kukumbulula malombelo a vanu vange, oloni kuvalombelele. Miyati ya vanu kuvanjishakezekele, nameme njashakele ngeci vanjiwane. Kuvalombelele kuli yange, nameme njashakele kuvakumbulula ngwange, ‘Yange uno, njikamikwasa.’

Ndanyele 7:14

Co vamwanene moko na kasingimiko na nzili ya vumwene, ngecivene, vanu va ku mafuti oshe na miyati yoshe ya vanu na vanu vaka-kwendeka mu vindaka vyeka vamupangele. Moko yendi ikakala ku myaka yoshe, co vumwene vwendi kuvukahu embwe.

Hoziya 2:23

Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Loma 15:12

Co lalo Isaya endeka ngwendi, “Mutekulwila wa Njesi akasholoka, akaija mukushwana vaje kesi vaYunda, co vakaka cinyangavili cavo muli ikeye.”

Loma 9:25

Evi vikevyo vyalinakwendeka mu livulu lya Hoziya ngwendi, “Vanu vaje kuvapwile vange njikavatumbula ngwange, ‘Vanu vange.’ Muyati uje kunjazemene njikavasana ngwange, ‘Vaka-cizemo cange.’

Kwituluka mu Mashiko 28:13

Co Shukulu Kalunga Njambi yeni akamipwisa vantwama akati ka miyati ya vanu, kumukapu vakumanesela embwe. Simbu yoshe mukalinga mwamuvwa kumukonwa nga mwononoka mashiko a Shukulu Kalunga Njambi yeni, awa njilinakumishikawo ku litangwa lya lelo, anyungeni nakuwapangesa.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”