2 Samwele 22:43 - Livulu lya Shukulu Kalunga

⁴³ Njavatsenene tsenu-tsenu, vafwile ngwe likungu, njavalyatangelele ngwe lindova lya mu vingila.

2 Samwele 22:43 Iomraidhean Croise

2 Samwele 7:9

Njakele amo nove kwoshe kuje kuwaile, co njafungulwile vitozi vove voshe ngwe omo wakele nakuya kulutwe. Co njikakutsimanesa kupwa ngwe vantwama vakama va mu kaye.

2 Vimyene 13:7

Njehoahaze kakele na mashwalale vasaleleo kuvanga lika vaka-kulonda a tuvalu makumi atanu, na matemba likumi, na vanalume 10,000 vaka-kwenda a mendi, omwo mwene wa Silya wanyongesele vakwavo voshe, wavalyatangelele ngwe likungu.

Myaso 18:42

Njivatsena tsenu-tsenu ngwe likungu lije lipekumuka na lihunzi. Njivalyatangela ngwe lindova lya mu vingila.

Myaso 35:5

Vapwe ngwe lijungu lyakupekumuka na lihunzi, omo kangelo ka Shukulu Kalunga avasheka!

Isaya 10:6

Njatumine Asilya nakulwisa muyati wa vaka-kujeneka kunjikulaela, vanu vaje vananjiluvalesa. Njavatumine mukupukula nakwiva nakulyatangela vanu ngwe mazilo a mu vitapalo.”

Isaya 26:15

Shukulu Kalunga, yove unaamesa muyati wetu, unaamesa vinginga vyoshe vya lifuti lyetu, co eci cinanena ngeci tukusingimike.

Isaya 41:2

“Iyajo uje wanenele Siluse mwene wa Pelesha kutunda mu ngangela nakumuhyanesa kwoshe kuje aya? Iyajo alinakumwasesa ngeci afungulule vimyene na miyati ya vanu? Mukwale wendi uvapwisa ngwe likungu lyangoco. Mikili yendi ivashandola ngwe mwila ushandoka na lihunzi!

Isaya 41:25

“Njinaangula mwene uje ukatunda mu ngangela, njikamunena kuno ngeci akulwile ku kunto. Akalyatangela ali vaka-kushwana ngwe lindova, ngwe muka-kushonga alyatangela a vuma.

Ndanyele 2:35

A simbu imolika cije cikuvo, na vuma, na vunengu, na siliva, na ngolinde, vyoshe vyavujukile. Co vyapwile ngwe lijungu lya a lijungwilo lya tiliku a simbu yakumanesa kuteja vimbuto. Co lihunzi lyavipekumwine vyoshe, co naa avyakele ai. Oloni lije limanya lyapupile kamponya lyapwile munkinda wakama uje wafwikile kaye koshe.

Mika 7:10

Asinoni vitozi vetu vakacimona, co vakashaula vitozi vaje vene vatuyandesele kutwihula ngwavo, “ali kulijo Shukulu Kalunga Njambi yeni?” Tukavamona vavafungulula nakuvalyatangela asi ngwe vutome mu vitapalo.

Zakaliya 10:5

Vanu va mu Yunda vakahyana ngwe mashwalale valyatangela vitozi vavo ngwe lindova lya mu vitapalo. Vakalwa omwo Shukulu Kalunga akakala amo navo, co vakafungulula nameme vitozi vavo vaka-kwendela a tuvalu.

Zakaliya 2:6

Shukulu Kalunga wendekele kuli vanu vendi ngwendi, “Njamishandwelele mu mitambela yoshe.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Luka 21:24

Vamo vakavatsiya na mukwale, co vakwavo vakavatwala vunzinda ku mafuti eka, co vaka-kujeneka kukulaela vakalyatangela Yelusalema noo simbu yavo inete.

Kwituluka mu Mashiko 32:26

Njayongwele kuvanyongesa voshe njwa, ngeci kesi kukakale umo lalo akavanuke.