2 Samwele 22:2 - Livulu lya Shukulu Kalunga

² Shukulu Kalunga ikeye muka-kunjinyunga, ikeye wapwa cimpaka cange cakukola.

2 Samwele 22:2 Iomraidhean Croise

2 Samwele 22:32

Shukulu Kalunga endi lika ikeye Njambi. Njambi endi lika ikeye cimpaka cetu.

2 Samwele 22:33

Ikeye Njambi muka-kunjana nzili, ikeye atwamenena muka-vushunga mu ngila yendi.

2 Samwele 23:3

Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

Myaso 144:2

Ikeye muka-kunjinyunga na muka-kunjamena, cimpaka cange na muyoyesi wange, muli ikeye njitewela. Ikeye anjifungulwila miyati yeka ngeci njivashwane.

Myaso 31:3

Yove limanya lyange na cimpaka cange, omwo lizina lyove, njitwamenene nakunjimwesa ngila.

Myaso 42:9

Njikendeka kuli Njambi uje wapwa cimpaka cange ngwange, “Omwo vikajo unanjivalela? Omwo vikajo njilinakuyandela ku muuka wa vitozi vange?”

Myaso 71:3

Pwa limanya lyange mwakutewela, muje njasa kutewela simbu yoshe, shika lishiko lyakunjamena! Omwo yove u limanya lyange na cimpaka cange.

Myaso 91:2

akendeka kuli ikeye ngwendi, “Yove wapwa vutewelo vwange na cimpaka cange! Yove wapwa u Njambi yange, kuli yove njinakulaela.”

Visimo 18:10

Shukulu Kalunga wapwa cimpaka ca nzili, muka-vushunga atewelako, co akovoka.

Mateo 16:18

Co yange njikuleka lalo ngwange, yove unapu Petulu, co a limanya eli vene akeo njikatungila cikungulukilo cange, co nzili ya vukalo vwa vatsi kuyikacihyana.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

1 Samwele 2:2

“Kukwesi umo wakujela wakulifwa ngwe Shukulu Kalunga, wai wakulifwa Nendi, kukwesi muka-kunyunga wakulifwa ngwe Njambi yetu.

1 Samwele 23:25

Saulu na vanu vendi vakatukile vaile nakusetela Ndaviti, oloni Ndaviti te nazivi laja a evi, co waile ku lilundu lya limanya mu mambo ya Mayone nakukakalako. Omo Saulu wazivileko, co wakavele Ndaviti.

1 Samwele 24:2

Co Saulu waile na mashwalale 3,000 va nzili va mu Isalele, vaile nakushakezeka Ndaviti na vanu vendi mu ngangela ku Mamanya a Makunda.