2 Samwele 22:10 - Livulu lya Shukulu Kalunga

¹⁰ Watavwile lilu nakulisholola, wezile ano asi, co lishelwa lyakuzivala vwii lyakele mwisi ya mendi endi.

2 Samwele 22:10 Iomraidhean Croise

1 Vimyene 8:12

Asinoni Solomoni walombelele ngwendi, “Yove, Shukulu Kalunga, yove wakele litangwa mwilu, oloni unalyangwila kukala mu mashelwa akuzivala.

Myaso 104:3

co watungila limbo lyove akamwa ya mema. Mashelwa waapwisa matemba ove, ukende a mambava a lihunzi.

Myaso 144:5

Nyenyumwisa melu ove Shukulu Kalunga, ngeci ushulukile ano asi, kwata a minkinda ngeci ikakumwise vwisi.

Myaso 97:2

Mashelwa na lisusulungu vinamuzengeleka, co kushungama na vushunga vikevyo vyapwa luvula lwa litanda lyendi.

Kutuuka 19:16

A mutondo wa litangwa lyamucitatu kwakele cililimo na mihyato, lishelwa lya kuhima lyasholokele a munkinda, na lijwi lyakama lya lupembo valizivile, ngeci vanu voshe mu cilombo vajajele na lyova.

Kutuuka 20:21

Oloni vanu vatwaleleo kwimana alyala, kuvanga Mosesa lika washwenyele kuyehi na lishelwa lyakuzivala kuje kwakele Njambi.

Isaya 63:19

Ulinakutupangesa ngwe kesi yove wapwile u ntwama yetu, ngwe kesi tu vanu vove.

Nahumi 1:3

Shukulu Kalunga kesi kuluvala vwasi embwe, oloni wakala na nzili, co simbu yoshe akanyanyamesa vanu vaje valinga vyuma vyavivi. Kuje kwoshe kwali nakwendela Shukulu Kalunga, co kukatuka kankumba kakama, mashelwa akewo likungu lije litunda ku mendi endi!

Mateo 27:45

Kushangumuka akati ka mutwe, kwakele lisusulungu mu lifuti lyoshe, a maola atatu.

Kwituluka mu Mashiko 4:11

“Mwashwenyele kuyehi nakwimana kwisi ya munkinda uje washwamene na tuhya twakweta ndo na mwilu, na mashelwa akuzivala na lisusulungu vwi.