2 Samwele 22:1 - Livulu lya Shukulu Kalunga

¹ Omo Shukulu Kalunga waamenene Ndaviti kuli Saulu na vitozi vendi voshe, Ndaviti wembilile mwaso ou Shukulu Kalunga ngwendi,

2 Samwele 22:1 Iomraidhean Croise

2 Samwele 12:7

Co Natane wendekele kuli Ndaviti ngwendi,“Uje munalume wakufwa ngacije ni, napu yove vene. Omu mukemwo mwanendeka Shukulu Kalunga Njambi ya Isalele ngwendi, ‘Njakupwisile mwene wa mu Isalele nakukwamena kuli Saulu.

2 Samwele 22:49

nakunjamena ku vitozi vange. Yove Shukulu Kalunga, unanjihyanesa ku vitozi vange nakunjinyunga ku vanu vavakalu.

1 Mizimbu 16:7

Lije likelyo lyapwile litangwa lyakulivanga Ndaviti kwana moko Asafe na vaLevi yakwimba nakushangazala Shukulu Kalunga.

Myaso 34:19

Tuyando twa muka-vushunga twapwa twatungi, oloni Shukulu Kalunga amwamena mu vyoshe.

Myaso 50:14

Kombeleleni kuli Njambi vin̄ombelo vyeni vya cikandelela, co aneni vije vimunalisingi kuli Muka-nzili yoshe.

Kutuuka 15:1

Asinoni Mosesa na vaIsalele vembile mwaso ou kuli Shukulu Kalunga ngwavo, “Njikembila kuli Shukulu Kalunga, omwo ikeye nahyana na nzili. Nombila tuvalu na vaka-kulondao mu mema a kalunga.

2 Kolinte 1:10

Watutundisile mu vushonde vwakama vwa kutsa, co ikeye watwovwele, akatwovola lalo, tunakulaeleni kuli ikeye ngeci akatwovola lalo,

Kwituluka mu Mashiko 31:30

Asinoni Mosesa watambekelele majwi a mwaso ou oshe, co vanu vaIsalele voshe vatolililile.

2 Timateo 4:18

Mwene akanjamene ku vipangi vyoshe vyavivi, co akanjambata mu kwoloka kunjitwala ku Vumwene vwendi vwa Mwilu. Kuli ikeye kukale vumpau ku myaka na myaka! Ewa.

Maako 5:1

A litangwa lije Ndembola na Mbalake muna Avinowame vembile mwaso ou ngwavo,

1 Samwele 23:14

Ndaviti wavandele mu lifuti lya malundu, mu mambo kuyehi na Zife. Simbu yoshe Saulu wesekele manene ngeci awane Ndaviti, oloni Njambi kakundikile Ndaviti mu mavoko a Saulu.

1 Samwele 24:15

Ngecivene, Shukulu Kalunga atusompe, awane akati ketu iya umo naviisa. Shukulu Kalunga akenge a n̄anda eyi, nakunjamena, nakunjovola kuli yove.”

1 Samwele 25:29

Nga munu akulwisa nakweseka kukutsiya, Shukulu Kalunga Njambi yove akakwamena, ngwe munu anyunga vufuko vwa seo. Oloni ali vitozi vove, ikeye akavombila kuti, ngwe munu asha limanya mu cipapa cendi ca kenya.

1 Samwele 26:24

Ngwe omo nayoyesa mwonyo wove ku litangwa lya lelo, Shukulu Kalunga alinge muje lalo kuli yange nakunjamena ku tuyando twoshe!”

1 Samwele 27:1

Co Ndaviti walyendekesele mu mbunge yendi ngwendi, “Litangwa limo Saulu akanjitsiya. Cuma njinapande kulinga eci, mwamuvwa njitewele ku lifuti lya vaFilisitiya. Co Saulu akajuka kunjishakezeka mu Isalele, co njikakala mwamuvwa.”