2 Samwele 21:7 - Livulu lya Shukulu Kalunga

⁷ Oloni omwo acikulaeso cakujela cije calingile na Yonatana, Ndaviti waameneneo Mefimboshete muna Yonatana, mutekulu wa Saulu.

2 Samwele 21:7 Iomraidhean Croise

2 Samwele 16:4

Co mwene wendekele kuli Ziva ngwendi, “Vyuma vyoshe vije vyapwile vya Mefimboshete ololo vinapu vyove.” Co Ziva wamukumbulwile ngwendi, “Njakandelelako, yange ngamba yove shukulu, njiwane kutetela ku mesho ove, shukulu mwene!”

2 Samwele 19:25

Omo Mefimboshete watundile ku Yelusalema kwija nakushesha mwene, co mwene wendekele kuli ikeye ngwendi, “Mefimboshete, omwo vika kuwaile nange?”

2 Samwele 4:4

Yonatana, muna Saulu, wakele na munendi wa munalume lizina lyendi Mefimboshete, wakele na myaka itanu omo Saulu na Yonatana vatsile. Omo nzimbu ya kutsa kwavo yetele kutunda ku nganda ya Njezelele, ndezi ya Mefimboshete wamukakwile nakumutewesa, oloni wazambwile manene, co wamuwisile, ngecivene, Mefimboshete wapwile cilema.

2 Samwele 9:1

Litangwa limo Ndaviti wehwile ngwendi, “Kuma kukwesi umo nasalako ku naanga ya Saulu ndi? Nga kwali, njishaka kumuzivila ngozi omwo ya Yonatana.”

2 Samwele 9:10

Ngecivene, yove, na vana vove, na vangamba vove vakalima livu lya naanga ya shukulu yove Saulu, co mukateja vimbuto ngeci mukavawanene vyakulya. Oloni Mefimboshete ikeye akalila ku mesa yange simbu yoshe!” (Ziva wakele na vana va vanalume likumi na vatanu, na vangamba makumi avali.)

2 Samwele 9:6

Omo Mefimboshete, muna Yonatana mutekulu wa Saulu, wetele, watsikamene asi nakulemesa Ndaviti. Co Ndaviti wamwihwile ngwendi, “Yove Mefimboshete ndi.” Co ikeye wamukumbulwile ngwendi, “Eyo shukulu.”

2 Samwele 9:7

Co Ndaviti wendekele ngwendi, “Kesi uzive lyova embwe. Njikakuzivila ngozi omwo ya isho Yonatana. Njikakwilwisila lifuti lyoshe lije lyapwile lya kuku yove Saulu, co simbu yoshe ukalya nange ku mesa.”

Muka-kwambulula 8:2

Njikunangula ngeci unyunge cikulaeso cove kuli mwene omwo walisingileco ku mesho a Njambi.

1 Samwele 18:3

Co Yonatana walikumiiye cikumiiyo na Ndaviti omwo wamuzemene manene ngwe mwalizema ikeye vavenya.

1 Samwele 20:12

Yonatana wendekele kuli Ndaviti ngwendi, “Shukulu Kalunga, Njambi ya Isalele, apwe mukaleo wetu! A simbu ino vene imene, nambe indele, njikamwihula tate. Nga viyongola vyendi ali yove vinapu vyavivwa, co njikakuleka.

1 Samwele 20:15

kala nakutetela kwangacije ku naanga yange ku myaka yoshe. Omwo Shukulu Kalunga akanyongesa vitozi vove voshe,

1 Samwele 20:17

Co Yonatana wasingisile Ndaviti cikulaeso cakumuzema. Omwo Yonatana wazemene manene Ndaviti ngwe mwalizemene ikeye vavenya.

1 Samwele 20:42

Asinoni Yonatana wendekele kuli Ndaviti ngwendi, “Njambi akale amo nove. Mwa vushunga Shukulu Kalunga akale amo netu, vatekulwila vove na vatekulwila vange, vakanyunge nakukolesa cikumiiyo cakujela eci tunalikumiiya.” Asinoni Ndaviti waile, co Yonatana welukile ku nganda.

1 Samwele 20:8

Ngecivene, njizivileko ngozi, omwo yange nove tunalikumiiya cikumiiyo cakujela. Oloni nga yange njinaviisa, co njitsiye vene yove! Omwo vikajo unjitwala kuli isho nakunjitsiya?”

1 Samwele 23:18

Co muvuvali vwavo valikumiiye cikumiiyo cakujela ku mesho a Shukulu Kalunga. Co Ndaviti welukile ku Holeshe, Yonatana welukile kwimbo.

1 Samwele 24:22

Co Ndaviti walikumiiye ngeci akacilinga. Asinoni Saulu welukile kwimbo, co Ndaviti na vanu vendi velukile ku mwela wavo wavuvandelo.