2 Samwele 21:6 - Livulu lya Shukulu Kalunga

⁶ Ngecivene, twane vatekulwila vendi va vanalume vatanu na vavali, ngeci tukavashukikile ku mesho a Shukulu Kalunga ku Ngimbeya, kwimbo lya Saulu, mwene uje yaangwile Shukulu Kalunga.” Co mwene wavakumbulwile ngwendi, “Njikamyanavo.”

2 Samwele 21:6 Iomraidhean Croise

Kushangumuka 40:19

Kukaita matangwa atatu mwene akakutuwisa mu kamenga, co akatapa mutwe wove! Asinoni akashukika muvila wove a manda, co tuzila vakalya situ yove.”

Kushangumuka 40:22

oloni uje mwata wa vaka-kwoca makende vamutapele mutwe. Co vyoshe vyalingiwile ngwe muje mwavinungulwile Yosefa.

2 Samwele 17:23

Omo Ahitofele wamwene ngeci kuvakavele kunangula kwendi, walondele a cimulu cendi welukile kwimbo lyendi. Omo wamanesele kuvwaesa vyendi vyoshe, walishukikile ikeye vavenya. Vamutsindile mu mbumbo ya naanga yendi.

2 Samwele 18:10

Umo wa vanu va Ndaviti wamumwene, co walekele Yowave ngwendi, “Shukulu, njinamono Avisalome alinakujenjela ku muti wa oke!”

2 Samwele 19:28

Voshe va ka naanga ya tate vapandele kuvatsiya kuli yove shukulu, oloni yange wanjitavesele kulya ku mesa yove. Co ololo kunjesi na nzili yakulomba lalo vuvwa kuli yove shukulu.”

1 Mizimbu 12:3

Vantwama vavo vapwile Ahiyezele, na Yowashe, vana va Shemaa, wa ku Ngimbeya. Ava vakevo vapwile mashwalale, Njezeyele, na Pelete, vana va Azemavete, na Mbelaka, na Yehu wa ku Anatote,

Ezela 6:11

Co lalo njinashiki ngeci woshe avyana lishiko eli, vashomone mukambo ku njuvo yendi, co vakamujundule nakumushukika. Ngeci njuvo yendi ipwe mutumbo wa lishito-shito.

Esita 9:10

Ava vakevo vana va Hamane va vanalume likumi vavatsiile, vapwile vana va Hamane uje muna Hamendata citozi ca vaYunda, oloni vije vyakupukula kuvavyambatele.

Mateo 27:5

Co Yundasa wombilile vije vimbongo mu Njuvo ya Shukulu Kalunga, co waile nakulishukika.

Vilinga vya Miluwa 13:21

Co valombele ngeci vakale na mwene, co Njambi wavanene Saulu muna Kishe wa ku muyati wa Mbenjemani ngeci apwe mwene yavo a myaka makumi awana.

Kwituluka mu Mashiko 21:22

“Nga munu vanamutsii a mulonga wanalingi, co muvila wendi vakawushukike a muti,

Yoshwa 10:26

Asinoni Yoshwa watsiile vaje vimyene vatanu nakuvatapa mitwe, wavashukikile a miti itanu, co mivila yavo yakele aje noo cingwezi.

Yoshwa 8:29

Asinoni Yoshwa washukikile mwene wa ku Ayi a muti, co wasezele muvila wendi aje noo cingwezi. Omo lyatokele, Yoshwa washikile ngeci vatundiseo muvila vakaumbilile ku vukovelelo vwa cikolo ca nganda. Co valundikileo mutumbo wakama wa mamanya, kweta na ku litangwa lya lelo kuwacili.

1 Samwele 10:1

Ngecivene, Samwele wanonele lilulu lya mazi a olive waetilile a mutwe wa Saulu, wamutsembele, co wendekele ngwendi, “Shukulu Kalunga nakuvwavesa mazi kupwa muka-kushwana vanu vendi va Isalele. Ukashwana vanu vendi nakuvanyunga ku vitozi vavo voshe. Co ovu vukevwo vukaleo vwove ngeci Shukulu Kalunga nakwangula kupwa muka-kushwana vanu vendi.

1 Samwele 10:24

Co Samwele wendekele kuli vanu ngwendi, “Ou ikeye munu yanamyangwila Shukulu Kalunga! Co kukwesi wakufwa ngwe ikeye akati keni.” Co vanu voshe vatambekele ngwavo, “Mwene ayoye myaka yoshe!”

1 Samwele 10:26

Co Saulu nendi welukile ku Ngimbeya. Co mashwalale vamo, vaje Njambi wasindiiye vimbunge vyavo, vaile amo nendi.

1 Samwele 11:4

Co miluwa vetele ku Ngimbeya, kuje kwakele Saulu, co omo vambulwile muzimbu, vanu vashangumukile kulila.

1 Samwele 24:21

Oloni likumiiye kuli yange mu lizina lya Shukulu Kalunga ngeci yove ukamene vatekulwila vange, ngecivene, lizina lyange, na lizina lya naanga yange, kesi likanyonge.”

1 Samwele 24:22

Co Ndaviti walikumiiye ngeci akacilinga. Asinoni Saulu welukile kwimbo, co Ndaviti na vanu vendi velukile ku mwela wavo wavuvandelo.