2 Samwele 21:3 - Livulu lya Shukulu Kalunga

³ Ngecivene, Ndaviti wasanene vaNgimbiyone, co wavehwile ngwendi, “Vika njikamilingila? Njishaka kumifwetela a vuvi vuje vwalingiwile kuli yeni, ngeci muvezikise vanu va Shukulu Kalunga.”

2 Samwele 21:3 Iomraidhean Croise

2 Samwele 20:19

Nganda yetu yapwa yakama, vanu vamwo vapwa va kwoloka na kulongwa mu Isalele. Omwo vikajo ushaka kuyinyongesa? Kuma yove ushaka kuviisa vushwana vwa Shukulu Kalunga ndi?”

Kutuuka 32:30

Co alikaki Mosesa wendekele kuli vanu ngwendi, “Munalingi vuvi vwakukomokesa manene. Oloni ololo njilinakulamata lalo ku munkinda kuli Shukulu Kalunga, amo njikasa kuwanako kwambesa vuvi vweni.”

VaLevi 1:4

Co akakambeke livoko lyendi a mutwe wa uje cimuna ngeci vakamutambule kupwa n̄ombelo ya kumwambesa ku vuvi vwendi.

Yona 1:11

Co vamwihwile ngwavo, “Cuma mukajo citulinga kuli yove ngeci lihunzi eli lilendemane?” Omwo mankimba acitwaleleo kungwanjanga.

VaHevelu 9:22

Mwa vushunga vene, ku Lishiko vyuma vimo vavijelesele na maninga, co kwakujeneka kwitila maninga, co kukwesi kusamba kwa vivi.

1 Samwele 2:25

Nga munu avulumwina mukwavo, Njambi amwamena, oloni nga munu avulumwina Shukulu Kalunga, iyajo amwamena?” Oloni kuvatolililile ku majwi a ishavo, omwo Shukulu Kalunga te nayongola laja kuvatsiya.

1 Samwele 26:19

Shukulu, tolilila evi njendeka. Nga cili Shukulu Kalunga ikeye nakuyongwesa ngeci unjilwise, co n̄ombelo injikamwana ikatengulwisa viyongola vyendi, oloni nga vanu valinakulinga eci, co cisingo ca Shukulu Kalunga ciije ali vakevo. Omwo vakevo vananjishekela anja kunjitundisa ku lifuti lya Shukulu Kalunga, kunjitwala ku lifuti kuje kunjikalemesela lika vinjambi veka.