2 Samwele 21:16 - Livulu lya Shukulu Kalunga

¹⁶ Likisi-kisi umo lizina lyendi Ishembimbenombe, wambatele likunga lya vunengu vulemu vwalyo vwapwile makilo atatu na litambelo washwelele mukwale wauwa, co ikeye wayongwele ngeci atsiye Ndaviti.

2 Samwele 21:16 Iomraidhean Croise

Kushangumuka 14:5

Mu mwaka wamulikumi na iwana, Mwene Kendoleome na vasamba vendi vezile na mashwalale, co vafungulwile vaLefaime mu Ashetelote Kalenaime, na vaZuzime mu Hama, na vaEmime mu cana ca Kilyataime,

Kushangumuka 6:4

A matangwa aje, omo vana va Njambi vambatele vana va vanakazi va vanu, vakitile navo vana, co vaje vatekulwila vapwile makisi-kisi. Vakevo vapwile vaka-nzili na lutsimo a simbu ije.

2 Samwele 21:18

Munima yevi kwakele lalo nzita na vaFilisitiya ku Ngove, mu nzita ije Simbekai wa ku Husha watsiile likisi-kisi lizina lyendi Safe.

2 Samwele 21:20

Co lalo kwakele nzita ikwavo ku Ngate, kwakele likisi-kisi wazemene manene kulwa, wakele na milavo itanu na umo ku livoko limo na limo, na milavo itanu na umo ku cilyato cimo na cimo.

2 Samwele 21:22

Ava makisi-kisi vawana vapwile vatekulwila va makisi-kisi va ku Ngate, vavatsiile kuli Ndaviti na vanu vendi.

2 Samwele 5:18

Co vaFilisitiya vezile nakulikwalaleka ku Cana ca Lefaime nakukalamo.

Kulava 13:22

Akulivanga vaile ku lifuti lya mu mbwela, co vetele ku Hevelone, kuje kwakele cikota ca Ahimane, na Sheshai, na Talemai, vatekulwila va makisi-kisi vaje vavatumbwile ngwavo va Anakime. Co limbo lya Hevelone likelyo lyapwile lyakulivanga kulitunga, omo kwetile myaka itanu na ivali asinoni vatungile Zoane mu Ingito.

Kulava 13:28

Oloni vaje vanu vakalamo vapwa vaka-nzili manene, na vinganda vyavo vyakama manene, vyakala mu vimpaka vyakukola manene. Vunene, twakamwene lalo vatekulwila va Anakime vakevo makisi-kisi vakala muje.

Kwituluka mu Mashiko 1:28

Tuyila kulijo? Tuli na lyova omwo vandolome vetu vaje twatumine kuje vanatuzivalesa ku vimbunge nakutuleka ngwavo vaje vanu vali kuje vali na nzili manene na vulaja kutuvakana yetu, co vakevo lalo vakala mu vinganda vya vivumbe vyakweta ndo na kwilu. Co kuje lalo vakamweneko makisi-kisi!’

Kwituluka mu Mashiko 2:10

(Laja mu nganda ya Ale mwakele makisi-kisi vaje vavatumbwile ngwavo vaEmime, vakevo vapwile vanu vavalaja manene na nzili ngwe vaAnakime, muyati ukwavo wa makisi-kisi.

Kwituluka mu Mashiko 2:11

Vakevo lalo vavatumbwile lizina limo na vaAnakime ngwavo vaLefaime, oloni vaMowavi vavatumbwile ngwavo vaEmime.

Kwituluka mu Mashiko 2:21

Vakevo vapwile vavalaja na vukama, co lalo vapwile vavangi ngwe vaAnakime muyati wa makisi-kisi. Oloni Shukulu Kalunga wavanyongesele ku mesho a vaAmoni, ngecivene, vaAmoni vatambwile lifuti lyavo, co vatungilemo.

Kwituluka mu Mashiko 3:11

(Kuvanga lika Mwene Onge ikeye wasaleleo kuli vaLefaime. Cikasa cakwaka muvila wendi capwile ca vutale, mu vulaja capwile mamita awana, na mu vwihi capwile mamita avali, ngwe ku seteko ije vemika. Co na ololo twasa kuciwana mu nganda ya vaAmoli mu Lamba.)

Kwituluka mu Mashiko 9:2

Co vanu vamwo vapwa vavalaja na nzili, vakevo vatekulwila va makisi-kisi, mwavazivuka laja ngwavo naumo wai asa kulwa navo nakuvafungulula.

Yoshwa 11:22

KaAnakime naumo wai wasalele mu lifuti lya Isalele, kuvanga vavandondo lika vasalele mu Ngaza, na mu Ngate, na mu Ashendonde.

Yoshwa 15:14

Co muje mu nganda Kalembi washekelemo vatekulwila va Anake, vikota vya Sheshai, na Ahimane, na Talemai.

1 Samwele 17:7

Co muyunda wa likunga lyendi kwama kwawo wapwile ngwe mukambo wa muka-kwola vinanga, co vulemu vwa likunga lyawo vwapwile makilo atanu na avali. Kulutwe lwendi kwakele lishwalale muka-kumwambatela ntelo.