2 Samwele 21:1 - Livulu lya Shukulu Kalunga

¹ Omo Ndaviti washwanene, kwakele njala ya lyangengela myaka itatu yoshe yamutunu. Ngecivene, Ndaviti wehwile Shukulu Kalunga a vyuma evi, co Shukulu Kalunga wendekele ngwendi, “Saulu na naanga yendi vali na mulonga wakutsiya omwo vatsiile vanu va ku Ngimbiyone.”

2 Samwele 21:1 Iomraidhean Croise

Kushangumuka 12:10

Oloni kwakele njala ya lyangengela mu lifuti lya Kanana. Ngecivene, Avilama waile mu mbwela ku lifuti lya Ingito, nakukakalako kasimbu lika omwo njala yaamene manene mu Kanana.

Kushangumuka 26:1

Mu lifuti lije mwakele lalo njala ya lyangengela, kutuvakana njala ije yakeleko a simbu ya Avilahama. Co Isake waile ku Ngelale kuli Ambimeleki, mwene wa vaFilisitiya.

Kushangumuka 41:57

Vanu voshe vakele nakuya ku Ingito, vatundile mu kaye mwoshe vaile nakulanda tiliku kuli Yosefa, omwo njala ya lyangengela yapwile yakama manene mu kaye mwoshe.

Kushangumuka 42:5

Vana va Yakomba vaile amo na vakwavo nakulanda tiliku, omwo kwakele njala ya lyangengela mu lifuti lya Kanana.

Kushangumuka 43:1

Njala ya lyangengela anga yaamene manene mu Kanana,

2 Samwele 16:8

Yove watambula vumwene vwa Saulu, co ololo Shukulu Kalunga alinakukuhisa omwo unatsii va ka naanga ya Saulu vavangi. Ololo Shukulu Kalunga naana Avisalome vumwene, co yove uli mu vukalu, yove muka-kutsiya!”

2 Samwele 20:26

co Ila wa ku nganda ya Njaile nendi lalo wapwile umo wa vaka-kukombelela va Ndaviti.

2 Samwele 21:5

Co vamukumbulwile ngwavo, “Saulu washakele kutunyongesa ngeci kesi kusaleo umo wakuyoya akati ketu mu Isalele.

2 Samwele 24:1

Shukulu Kalunga waluvalele na Isalele lalo, co walingisile Ndaviti kunena vukalu ali vakevo. Co Shukulu Kalunga wendekele kuli ikeye ngwendi, “Ya ukalave vanu va Isalele na Yunda.”

2 Samwele 5:19

Co Ndaviti wehwile kuli Shukulu Kalunga ngwendi, “Njikalwise vaFilisitiya ndi? Ukanjihyanesa ndi?” Shukulu Kalunga wamukumbulwile ngwendi, “Eyo, ya ukalwe navo! Njikakuhyanesa!”

2 Samwele 5:23

Co Ndaviti wehwile lalo Shukulu Kalunga, co wamukumbulwile ngwendi, “Kesi uvalwisile kuno embwe, oloni zenguluka kunima ngeci ukavalwisile ku mutambela ukwavo lalo, kuyehi na miti ya vushuka vwa fuluta.

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 18:2

Co Elinja waile. Njala ya lyangengela yaamene manene mu Samaliya,

2 Vimyene 6:25

Omwo vazengelekele ije nganda vyakulya vyapwile vyavindondo manene mu nganda, co mutwe wa cimulu vaulandele mavundungulu makumi atanu na atatu a siliva, co litambelo lya kilo lya tuzi twa mayembe valilandele mavundungulu atanu a siliva.

2 Vimyene 8:1

Elisha walekele munakazi wa mu Shuneme, uje wakele na mwana yendwile ku vatsi ngwendi, “Katuka uye na naanga yove kwoshe kuje mukalishukila, omwo Shukulu Kalunga akatuma njala ya lyangengela mu lifuti, ikakalako myaka itanu na ivali.”

Yombi 10:2

Njikendeka kuli Njambi ngwange kesi unjihise. Njileke! Vikajo unjilwisila?

Myaso 27:8

Omo wendekele ngwove, “Ija unjilemese,” co njakumbulwile ngwange, “Njiija, Shukulu Kalunga,

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso 91:15

Omo vatambeka kuli yange, co njivakumbulula omo vali mu tuyando, co njikakala amo navo. Njikavamena nakuvasingimika.

VaLevi 26:26

Njikatepulula ku vyakulya vyeni. Ngeci vanakazi likumi voshe vakocela makende avo a liko limolika, co vakamipangezelawo, oloni omo munamanesa kuwalya oshe, anga mucikaziva njala.

Kulava 27:21

Ikeye akemana ku mesho a Elyazale muka-kukombelela, co Elyazale akalilongesa kuwana cizango cange akupangesa Ulime na Tumime, co mu ngila eyi akatwamenena Yoshwa na mbunga yoshe ya vanu va Isalele mu vipangi vyavo vyoshe.”

Yoshwa 7:1

Oloni vanu va Isalele vavulumwine mulonga ku vyuma vyakukundika omwo Akane, muna Kalemi mutekulu wa Zavendi, wa ku cikota ca Zela ku muyati wa Yunda, wambatele ku vyuma vyakukundika, ngecivene, Shukulu Kalunga waluvalele manene na vanu va Isalele.

Yoshwa 9:20

Tunapande tuvece vayoye omwo a cikumiiyo cetu ca cisingo. Nga tuvavulumuna, co Njambi akatuhisa.

Lute 1:1

Laja a matangwa aje omo vaIsalele te kanda vakale na mwene, kwakele njala ya lyangengela mu lifuti lya Yunda. Co munalume umo lizina lyendi Elimeleke, wa ku cikota ca Efaleta watundile ku Mbetelehema mu Yunda, waile amolika na munakazi wendi na vana vavo va vanalume vavali kukakala kasimbu lika mu lifuti lya Mowavi.

1 Samwele 10:22

co vehwile kuli Shukulu Kalunga ngwavo, “Kuma kukwesi weka ndi?” Co Shukulu Kalunga wavakumbulwile ngwendi, “Kwali kuje navanda mu vivala.”

1 Samwele 23:11

Kuma vandambo va ku Keila vakanjana kuli Saulu ndi? Kuma cili vene Saulu akaija, ngwe omo njazivi ndi? Shukulu Kalunga, Njambi ya Isalele, njakulombo, njikumbulule!” Shukulu Kalunga wamukumbulwile ngwendi, “Saulu akaija.”

1 Samwele 23:2

Ngecivene, Ndaviti wehwile Shukulu Kalunga ngwendi, “Njinapande kuya mukulwisa vaFilisitiya ndi?” Shukulu Kalunga wamukumbulwile ngwendi, “Eyo, ya ukavalwise ngeci ukamene Keila.”

1 Samwele 23:4

Ngecivene, Ndaviti wehwile lalo Shukulu Kalunga. Co Shukulu Kalunga wamulekele ngwendi, “Katuka, ya ukalwise Keila, omwo njikakundika vaFilisitiya mu livoko lyove.”