2 Samwele 20:6 - Livulu lya Shukulu Kalunga

⁶ Ngecivene, mwene wendekele kuli Avishai ngwendi, “Shemba akatunenela vukalu kutuvakana Avisalome. Ya na vanu vange muye nakumukava, kutewa akakovela mu vinganda vya vivumbe, co akatuvomboloka.”

2 Samwele 20:6 Iomraidhean Croise

2 Samwele 10:14

Omo vaAmoni vamwene vaSilya valinakutewa, co navo lalo vatewele kutunda kuli Avishai nakwiluka mu nganda. Asinoni Yowave walikelele kulwisa vaAmoni, welukile ku Yelusalema.

2 Samwele 11:11

Uliya wamukumbulwile ngwendi, “Vanu va Isalele na vanu va Yunda valinakulwa nzita, Cikasa ca Cikumiiyo cili kuli vakevo, co Yowave muka-kushika na vamyata vendi vanatungu cilombo cavo mushandangala yangoco. Co vatijo njasa kuya kwimbo, nakulya nakunwa, nakulala na munakazi wange? A vyoshe vije vyapwa vyakujela, njilisinga ngeci kunjikalingi cuma ca cifwa cangacije!”

2 Samwele 18:12

Oloni uje munalume wamukumbulwile ngwendi, “Nameme nga unjana mavundungulu 1,000 a siliva, nga kunjasa kujundula livoko lyange ali muna mwene. Yetu voshe twazivileko omo mwene washikile yove, na Avishai, na Itai, ngwendi, ‘Omwo ali yange, kesi mukavulumune owo mukwenje Avisalome.’

2 Samwele 18:2

Asinoni wavatumine mu vimbunga vitatu, amo na Yowave, na Avishai ndolome ya Yowave, na Itai wa ku Ngate, co umo na umo wapwile muka-kushika wa mbunga imo. Co mwene wendekele kuli vanu vendi ngwendi, “Nange njiya neni amolika.”

2 Samwele 19:7

Ololo ya ukatakamese vanu vove. Njilisinga mu lizina lya Shukulu Kalunga ngeci nga kuulingimo, co imene mutondo-tondo naumo wai akakala nove. Co ovu vukapwa vukalu vwakama manene kutuvakana vuje vuunakala nakuyanda navwo mukuyoya kwove kwoshe.”

2 Samwele 2:18

Vana va Zeluya vatatu vakele kuje, Yowave, na Avishai, na Ashahele. Ashahele uje wakele na lumbisi ngwe mbambi,

2 Samwele 21:17

Oloni Avishai muna Zeluya wezile kuli Ndaviti nakumukwasa, walwisile uje likisi-kisi, co wamutsiile. Asinoni vanu va Ndaviti vamulombele ngwavo, “Kesi ukaye netu lalo ku nzita, yove unapu manda ya Isalele, co kutushaka lalo ngeci tukujeneke.”

2 Samwele 23:18

Avishai ndolome ya Yowave, (vaina Zeluya) wapwile ntwama ya vaje “Makumi Atatu va Lutsimo.” Ikeye walwile na vanalume 300 na likunga lyendi, co wavatsiile, watsimanene akati ka vaje “Makumi Atatu.”

2 Samwele 3:30

Ngecivene, Yowave na ndolome yendi Avishai valingile shambandinga ali Avinele omwo watsiile ndolome yavo Ashahele mu nzita ku Ngimbiyone.

2 Samwele 3:39

Nameme njapwa nji mwene yanaangula Njambi, oloni litangwa lya lelo njazeye. Vana va Zeluya ava vanapu vaka-kunjilwisa. Shukulu Kalunga ahise mapwepwe ava ngwe muvanalingi vakevo.”

1 Vimyene 1:33

co wendekele kuli vakevo ngwendi, “Yeni na vamyata vange va mu mbanja, co endeseni munange Solomoni a cimulu cange, mushelumwiseni ku lisima lya kavwelu-vwelu ku Ngihone,

1 Mizimbu 11:20

Co Avishai ndolome ya Yowave wapwile ntwama ya mashwalale “Makumi Atatu va Lutsimo.” Ikeye walwile na vanalume 300 na likunga lyendi, co wavatsiile, watsimanene akati ka vaje “Makumi Atatu.”

1 Mizimbu 18:12

Co Avishai, vaina Zeluya, wafungulwile vaEndome mu Cana ca Mwongwa, co watsiile vanu vakupwa 18,000.

Njelemiya 8:14

Vanu va mu Yunda vehwile ngwavo, “Omwo vikajo twatumbamene kuluu? Tuteweleni ku vinganda vya vimpaka vyakukola tukatsileko. Shukulu Kalunga Njambi yetu natuhisa natwana mwaze tunwe ngeci tutse, omwo tunalingi vuvi ku mesho endi.

Mako 3:24

Nga vumwene vulyangunuka mu vimunga vije vililwisa akati kavyo, vumwene vuje vukanyonga.

1 Samwele 26:6

Co Ndaviti wehwile Ahimeleki kaHiti, na Avishai ndolome ya Yowave (vaina vapwile Zeluya) ngwendi, “Iya umo akati keni aya nange ku cilombo ca Saulu?” Avishai wamukumbulwile ngwendi, “Yange njiya nove.”