2 Samwele 20:15 - Livulu lya Shukulu Kalunga

¹⁵ Co vanu va Yowave vazivile ngwavo Shemba ali kuje, ngecivene, vaile nakuzengeleka nganda. Vendile mitumbo ya livu anja ya civumbe, co vashangumukile lalo kwinda kwisi ya civumbe ngeci ciwe.

2 Samwele 20:15 Iomraidhean Croise

2 Samwele 20:14

Shemba wetile mu lifuti lya miyati yoshe ya Isalele, co wetele ku nganda ya Avele Mbete Maka, vanu voshe va ku cikota ca Mbikile vakungulukile, vamukavele na mu nganda.

1 Vimyene 15:20

Mwene Mbenehandande watavele ku viyongola vya Asa, co watumine vamyata vaka-kushika nzita yendi na mashwalale vavo kukalwisa vinganda vya Isalele. Vafungulwile Injone, na Ndani, na Avele Mbete Maka, na mutambela wa kuyehi na Lishali lya Ngalileya, na mutambela woshe wa Nafetali.

2 Vimyene 15:29

Omo Peka wapwile mwene wa mu Isalele, Tingelate Pilesele, mwene wa Asilya wafungulwile vinganda vya Injone na Avele Mbete Maka na Njanowa na Kendeshe na Hazole na mafuti a Ngilyande na Ngalileya na Nafetali, co watwalele vinzinda ku Asilya.

2 Vimyene 19:32

“Omu mukemwo mwanendeka Shukulu Kalunga ali mwene wa vaAsilya ngwendi, ‘Kakakovela mu nganda eyi, nambe kwashamo mukili umo embwe. Kukwesi mashwalale vali na vintelo vakaija kuyehi na nganda eyi, nambe kuzengelekako cimpaka.

Muka-kwambulula 9:14

Kwakele nganda yaindondo muje mwakele vanu vavandondo. Co mwene umo muka-nzili wailwisile. Waizengelekele nakulyanganya kukovela mukati ka vivumbe.

Isaya 37:33

“Omu mukemwo mwanendeka Shukulu Kalunga ali mwene wa vaAsilya ngwendi, ‘Kakakovela mu nganda eyi, nambe kwashamo mukili umo embwe. Kukwesi mashwalale vali na vintelo vakaija kuyehi na nganda eyi, nambe kuzengeleka cimpaka.

Njelemiya 32:24

“VaMbambilone vanalundika mikinya kuzengeleka Yelusalema ngeci vailwise, vanu vali mu vukalu vwa njala ya lyangengela na mishongo, co nganda vakayana ku mavoko a vaMbambilone vaje valinakuyilwisa. Co vyoshe viwendekele vinapu vya vushunga.

Njelemiya 33:4

Yange Kalunga, Njambi ya Isalele, njinendeka ngwange vinjuvo vya mu Yelusalema, na lipela lya mu Yunda vikasiwuka, omwo nzita ije inavazengeleka nakuvalwisa.

Njelemiya 6:6

Shukulu Kalunga Muka-nzili yoshe nashiki vimyene ava kushinja miti nakuyilundika mitumbo ngeci vaijeke a vivumbe vya Yelusalema. Shukulu Kalunga nendeka ngwendi, “Njikanyanyamesa eyi nganda, omwo muli vanu vavangi vaje valinakuyandesa vakwavo.

Ezekiyele 4:2

Asinoni linga vingunja na mikinya na vilombo na vyuma vimo vyakulikwasesa kuwisa civumbe omo valwisa Yelusalema.

Luka 19:43

Simbu ikaija omo vitozi vove vakakuzengeleka mu cimpaka, nakukwaka mukati kavo, nakukushetwila mukati ku mitambela yoshe noku-noku.