2 Samwele 20:1 - Livulu lya Shukulu Kalunga

¹ Kuje ku Ngilingale, kwakele munu umo vilinga vyendi vyapwile vyavivi manene, lizina lyendi Shemba muna Mbikile, wa ku muyati wa Mbenjemani, ikeye wembile lupembo nakutambeka ngwendi, “Kutwesi na mutambela muli Ndaviti, co kutwesi na vushwana muli muna Njesi, yeni vanu va Isalele, munu na munu eluke kwimbo lyendi.”

2 Samwele 20:1 Iomraidhean Croise

Kushangumuka 46:21

Vana va Mbenjemani va vanalume mazina avo, Mbela, na Mbekele, na Ashimbele, na Ngela, na Namane, na Ehi, na Loshe, na Mupime, na Hupime, na Alenda.

2 Samwele 15:10

Oloni Avisalome watumine miluwa ku miyati yoshe ya Isalele nakwendeka ngwendi, “Omo mukaziva kwoya kwa malupembo, co mukolumwina vingunda ngweni, ‘Avisalome ololo napu mwene ku Hevelone!’ ”

2 Samwele 16:11

Ngecivene, Ndaviti wendekele kuli Avishai na kuli vamyata vendi voshe ngwendi, “Munange vene ikeye alinakushaka kunjitsiya, ngecivene, omwo vikajo mulinakukomoka ou kaMbenjemani? Shukulu Kalunga ikeye namuleke kunjisinga, ngecivene, mweceleni acilinge.

2 Samwele 16:7

Co Shimei wasingile Ndaviti nakwendeka ngwendi, “Ya! Ya! Muka-kutsiya! Ove ciyambangani!

2 Samwele 18:17

Asinoni vambatele civimbi ca Avisalome, vacumbilile mu mbulu yakulova mu shwata, valundikileo mutumbo wakama wa mamanya. Co vaIsalele voshe vatewele, vaile ku membo avo.

2 Samwele 20:2

Ngecivene, vaIsalele vasezele Ndaviti, co vaile na Shemba, oloni vanalume va Yunda vakavele Ndaviti, kutunda ku Yondau nakweta ku Yelusalema.

2 Samwele 20:22

Asinoni waile kuli vanu va muje mu nganda na vutumbe vwendi, co vatapele mutwe wa Shemba vaumbilile akamwa ya civumbe kuli Yowave. Co Yowave wembile lupembo lwa cizivukiso kuli vanu vendi ngeci vatunde muje mu nganda, co velukile kwimbo. Yowave nendi lalo welukile ku Yelusalema kuli mwene.

2 Samwele 23:6

Oloni vanu vaka-kuvyana Njambi, vanafu ngwe mambimbo akumbila kuti, aje kuvasa kukwata na mavoko.

1 Vimyene 12:16

Omo vanu vamwene ngeci mwene kavatolilila, vatambekele ngwavo, “Ndaviti na naanga yendi vatunde! Vikajo vanatulingila? Eni vanalume va Isalele, tuyeni ku membo etu! Mweceleni Lehovowame alimwene!” Ngecivene, vanu va Isalele vamutengulukilile,

1 Vimyene 21:10

Anguleni vanalume vavali vaje vipapoki vakumukutiiye n̄anda ngwavo natuku Njambi na mwene. Co mutwaleni anja ya nganda mukamutsiye na mamanya.”

2 Mizimbu 10:16

Omo vanu vamwene ngeci mwene kavatolilila, vatambekele ngwavo, “Ndaviti na naanga yendi vatunde! Vikajo vanatulingila? Yetu kutwesi na vushwana mu naanga ya Njesi. Yetu vanu va Isalele, tuyeni ku membo etu! Mweceleni Lehovowame alimwene!” Ngecivene, vanu va Isalele vamutengulukilile,

2 Mizimbu 10:6

Mwene Lehovowame wehwile vanalume va vakulunu vaje vakele nakunangula ishe Solomoni ngwendi, “Vati munjinangula ngeci njakukumbulule ava vanu?”

Myaso 17:13

Ija, yove Shukulu Kalunga, popolola vitozi vange nakuvafungulula! Njamene kuli vaka-vuvi na moko yove ya mukwale.

Myaso 34:19

Tuyando twa muka-vushunga twapwa twatungi, oloni Shukulu Kalunga amwamena mu vyoshe.

Visimo 25:8

Kesi uzambwile kutwala mukweni ku mbanja. Nga mukaleo weka akawana ngeci yove u muka-mulonga, co ukaziva shwamwa yakama manene.

Visimo 26:21

Manungu akwenyuka amo na vitale vikashangumuna tuhya, na muka-lwozi lalo akashangumuka vimata.

Mako 3:24

Nga vumwene vulyangunuka mu vimunga vije vililwisa akati kavyo, vumwene vuje vukanyonga.

Luka 19:14

Oloni vanu va mu lifuti lyendi vamuzindile manene, co vatumine miluwa munima yendi ngwavo, ‘Ou munalume kutumushaka apwe mwene yetu embwe.’

Luka 19:27

Ngecivene, ngwe ava vitozi vange vaje kuvashaka ngeci yange njipwe mwene yavo, vaneneni kuno nakuvatsiila ku mesho ange!’ ”

Yowano 13:8

Petulu wendekele na nzili ngwendi, “Kuujwelesa ku mendi ange embwe!” Yesu wakumbulwile ngwendi, “Nga kunjijwelesa ku mendi ove, kuwasa kupwa lalo ndongisi yange.”

Kwituluka mu Mashiko 13:13

ngeci kuli vanalume vamo vitangwizi va ku muyati weni, vanatangula laja vanu va mu limbo lyavo kulemesa vinjambi vaje kumwalemesele laja.

Maako 19:22

Omo vakele nakulivwaelelesa vakevo vavenya, co vanu vaka-vuvi vezile kutunda muje mu limbo, vazengelekele ije njuvo nakushangumuka kumbombola a lipito. Co vendekele kuli uje mukulunu wa munalume ngwavo, “Tuwisa uje munalume naija ku njuvo yove! Tushaka kulala nendi!”

Maako 3:27

Omo wetele mu lifuti lya malundu lya Efalime, co wembile lupembo mukusana vanu va Isalele mukulwa nzita, asinoni ikeye wavatwamenenene nakushelumuka kutunda ku lifuti lya malundu.

Lute 2:3

Ngecivene, Lute waile ku mahya, wakavangeyeye munima ya vaka-kupanga nakunonongola mbale ya maumwa ije vanaseze. Co casholokele ngeci, kuma wakele mu lihya lya Mbowasi kavushoko ka Elimeleke.

1 Samwele 13:2

Saulu waangwile vanalume 3,000 mu Isalele. Vanalume 2,000 vakele amo na Saulu ku Mikemashe mu lifuti lya malundu a ku Mbetele, co watumine vanalume 1,000 vaile na munendi Yonatana ku Ngimbeya, mu lifuti lya muyati wa Mbenjemani. Co vaje vasaleleo Saulu wavatumine munu na munu kuya ku mbalaka yendi.

1 Samwele 2:12

Vana va Eli vapwile vanu vavavi manene. Kuvakele na lyova kuli Shukulu Kalunga,

1 Samwele 30:22

Oloni vanu vamo vavavi vaje vaile amo na Ndaviti vendekele ngwavo, “Omwo vakevo kuvaile netu, kutukavanako cuma cimo ku vyakupukula. Vambate vanakazi na vana vavo vaye.”