2 Samwele 2:23 - Livulu lya Shukulu Kalunga

²³ Oloni Ashahele anga wakele nakumusheka, cooni Avinele, welwisile likunga vuseta-nima, co wativile Ashahele mwimo pulyasani na mu lishunja lya mwongo. Co Ashahele wawililile asi watsile, co munu woshe wezile a mwela aje atsililile Ashahele, wemaneneo kuluu.

2 Samwele 2:23 Iomraidhean Croise

2 Samwele 2:24

Oloni Yowave na Avishai vashekele Avinele, omo litangwa lyatokele vetele ku lilundu lya Ama, lije lyakele ku ngangela ya ku Ngiya ku ngila ya mu mambo ku Ngimbiyone.

2 Samwele 20:10

Amasa kamwene mukwale wakwatele Yowave mu livoko lyendi lyacimwoshe, Yowave wamutivile mwimo, co mila yendi yalundumukilile asi. Aje vene watsile, oloni Yowave kamutsulile lalo embwe. Asinoni Yowave na ndolome yendi Avishai vaile nakukavangeya Shemba.

2 Samwele 3:27

Omo Avinele wetele ku Hevelone, co Yowave wamutwalele kwavo lika ku cikolo, ngwe ashaka kumuleka vyakushweka, kuje vene wamutivile mu lifu. Co watsile omwo ikeye watsiile Ashahele ndolome ya Yowave.

2 Samwele 3:30

Ngecivene, Yowave na ndolome yendi Avishai valingile shambandinga ali Avinele omwo watsiile ndolome yavo Ashahele mu nzita ku Ngimbiyone.

2 Samwele 4:6

Co uje munakazi wakele ku cikolo wanengukile omwo wakele nakupepa tiliku, co waile mu tulo, ngecivene, Lekave na Mbana vakovelele mu njuvo.

2 Samwele 5:6

Simbu yetele omo Mwene Ndaviti na vanu vendi vaile nakulwisa Yelusalema. Co vaNjevushi vaje vatungile muje, vayongwele ngwavo Ndaviti kasa kufungulula ije nganda, co vendekele kuli ikeye ngwavo, “Yove kuukasa kukovela muno, nameme vene tupuputwa na vilema vasa kukushekamo.”