2 Samwele 2:14 - Livulu lya Shukulu Kalunga

¹⁴ Co Avinele wendekele kuli Yowave ngwendi, “Kwanguke vakwenje vamo vakutunda ku mutambela umo na umo ngeci vakulwe kulutwe lwetu!” Co Yowave wamukumbulwile ngwendi, “Mwamuvwa vaije.”

2 Samwele 2:14 Iomraidhean Croise

2 Samwele 2:15

Ngecivene, vakwenje likumi na vavali, vemanenene Ishemboshete na muyati wa Mbenjemani, valwile na vakwenje va Ndaviti likumi na vavali.

2 Samwele 2:16

Co munu na munu wakwatele ku mutwe wa uje yalwile nendi nakumutiva ku vimati vyendi, ngecivene, voshe makumi avali na vawana vatsile amolika. Co vatumbwile mutambela uje wa mu Ngimbiyone ngwavo, “Lihya lya Mikwale.”

2 Samwele 2:17

Co a litangwa lije kwakele nzita yakama manene, Avinele na vaIsalele vafungulukile kuli vanu va Ndaviti.

2 Vimyene 14:8

Asinoni Amaziya watumine miluwa kuli Mwene Yehowashe wa mu Isalele, nakumushongangeya ngeci valwe nzita.

Visimo 10:23

Cinapu vulema kujolela akulinga vuvi, vihwanga vavwaelela na mana.

Visimo 17:14

Kushangumuka vimata kunapu ngwe mema azikuka mu lishali, ngecivene, likele kushangumuka vimata simbu kanda lwozi lushangumuke.

Visimo 20:18

Tambula kunangula kwakuvwa simbu kanda utumbe vutumbe, kesi uye ku nzita nga kuwesi na vutumbe.

Visimo 25:8

Kesi uzambwile kutwala mukweni ku mbanja. Nga mukaleo weka akawana ngeci yove u muka-mulonga, co ukaziva shwamwa yakama manene.