2 Samwele 2:1 - Livulu lya Shukulu Kalunga

¹ Munima yevi, Ndaviti wehwile Shukulu Kalunga ngwendi, “Njasa kuya ku nganda imo ili mu vinganda vya Yunda nakuyifungulula ndi?” Co Shukulu Kalunga wamukumbulwile ngwendi, “Eyo.” Ndaviti wehwile ngwendi, “Nganda ikajo?” Co Shukulu Kalunga wamukumbulwile ngwendi, “Hevelone.”

2 Samwele 2:1 Iomraidhean Croise

Kushangumuka 13:18

Ngecivene, Avilama wajalwisile cilombo cendi, co watungile kuyehi na miti yakujela ya oke yakuhwimina ya Mamele ku Hevelone, co kuje watungilile Shukulu Kalunga mutula.

Kushangumuka 32:2

Omo wavamwene, wendekele ngwendi, “Eyi ikeyo mbunga ya Njambi!” Co walukile lizina lya mwela uje Mahanaime.

2 Samwele 15:7

Omo kuneti myaka iwana Avisalome wendekele kuli Mwene Ndaviti ngwendi, “Shukulu, njitave njiye ku Hevelone njikashulise cikulaeso cinjalingile kuli Shukulu Kalunga.

2 Samwele 2:11

Ndaviti washwanene mu Hevelone na mu Yunda myaka itanu na ivali na vingonde vitanu na imo.

2 Samwele 5:19

Co Ndaviti wehwile kuli Shukulu Kalunga ngwendi, “Njikalwise vaFilisitiya ndi? Ukanjihyanesa ndi?” Shukulu Kalunga wamukumbulwile ngwendi, “Eyo, ya ukalwe navo! Njikakuhyanesa!”

2 Samwele 5:23

Co Ndaviti wehwile lalo Shukulu Kalunga, co wamukumbulwile ngwendi, “Kesi uvalwisile kuno embwe, oloni zenguluka kunima ngeci ukavalwisile ku mutambela ukwavo lalo, kuyehi na miti ya vushuka vwa fuluta.

1 Vimyene 2:11

Ikeye wapwile mwene wa mu Isalele a myaka makumi awana, washwanene myaka itanu na ivali mu Hevelone na myaka makumi atatu na myaka itatu mu Yelusalema.

1 Mizimbu 29:7

co vaanene vyuma evi ku vipangi vya Njuvo ya Shukulu Kalunga, vanenele ngolinde ya vulemu vwakupwa 170, na siliva ya vulemu vwakutuvakana 340, na vunengu vwa vulemu vwakupwa 620, co na vutale vwa vulemu vwakutuvakana 3,400.

2 Mizimbu 11:10

na Zola, na Ainjalone, na Hevelone.

Myaso 143:8

A mutondo a mutondo, njanukise vya cizemo cove, cije kucesi kutenguluka omwo njinakulaela kuli yove. Malombelo ange ete kuli yove, njimwese ngila munjinapande kwendela.

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

Ezekiyele 36:37

Shukulu Kalunga wa Akamwa ya Vyoshe alinakwendeka ngwendi, “Yange njikatava lalo vaIsalele kulomba vukwasi kuli yange, co njikavatava lalo vaIsalele vakatume manene ngwe matanga a vimanga.

Kulava 13:22

Akulivanga vaile ku lifuti lya mu mbwela, co vetele ku Hevelone, kuje kwakele cikota ca Ahimane, na Sheshai, na Talemai, vatekulwila va makisi-kisi vaje vavatumbwile ngwavo va Anakime. Co limbo lya Hevelone likelyo lyapwile lyakulivanga kulitunga, omo kwetile myaka itanu na ivali asinoni vatungile Zoane mu Ingito.

Kulava 27:21

Ikeye akemana ku mesho a Elyazale muka-kukombelela, co Elyazale akalilongesa kuwana cizango cange akupangesa Ulime na Tumime, co mu ngila eyi akatwamenena Yoshwa na mbunga yoshe ya vanu va Isalele mu vipangi vyavo vyoshe.”

Yoshwa 15:13

Co Kalembi muna Njefune wa ku muyati wa Yunda vamwanene litambelo lya mutambela wa Yunda ngwe muje mwashikile Shukulu Kalunga kuli Yoshwa. Watambwile nganda ya Hevelone, ikeyo nganda ya Alemba ishe ya Anake.

Maako 1:1

Munima ya kutsa kwa Yoshwa, vanu va Isalele vehwile Shukulu Kalunga ngwavo, “Muyati uka unapande kupwa wakulivanga kuya nakulwisa vaKanana?”

1 Samwele 10:22

co vehwile kuli Shukulu Kalunga ngwavo, “Kuma kukwesi weka ndi?” Co Shukulu Kalunga wavakumbulwile ngwendi, “Kwali kuje navanda mu vivala.”

1 Samwele 23:2

Ngecivene, Ndaviti wehwile Shukulu Kalunga ngwendi, “Njinapande kuya mukulwisa vaFilisitiya ndi?” Shukulu Kalunga wamukumbulwile ngwendi, “Eyo, ya ukavalwise ngeci ukamene Keila.”

1 Samwele 23:4

Ngecivene, Ndaviti wehwile lalo Shukulu Kalunga. Co Shukulu Kalunga wamulekele ngwendi, “Katuka, ya ukalwise Keila, omwo njikakundika vaFilisitiya mu livoko lyove.”

1 Samwele 30:31

na Hevelone. Watumine litambelo livapukwile ku mitambela yoshe kuje wakele na vanu vendi.