2 Samwele 19:8 - Livulu lya Shukulu Kalunga

⁸ Co mwene wakatukile, waile wakatumbamene kuyehi na cikolo ca nganda. Co vanu vendi vazivile ngwavo ali kuje, co voshe vezile vakungulukile kuli ikeye. A simbu ije, vaIsalele voshe vatewele, munu na munu waile kwimbo lyendi.

2 Samwele 19:8 Iomraidhean Croise

2 Samwele 15:2

Ikeye wendukile mutondo waile nakwimana kumukulo wa ngila ya ku cikolo ca nganda. Co oshe aje ezila munu uje ali na n̄anda ngeci mwene aisompe, omo eta kuje, co Avisalome amusana amwihula oku kwatunda. Co nga uje munalume amuleka muyati kuje kwanatundu,

2 Samwele 18:17

Asinoni vambatele civimbi ca Avisalome, vacumbilile mu mbulu yakulova mu shwata, valundikileo mutumbo wakama wa mamanya. Co vaIsalele voshe vatewele, vaile ku membo avo.

2 Samwele 18:24

Ndaviti watumbamene ku mwela uje wakele mukati ka vikolo vivali, cimo cakukovelela, cikwavo cakutuukila mu nganda. Co muka-kunyunga walondele akamwa ya civumbe, wemanene akamwa ya cikolo ca ciluli, wakengele noku-noku, wamwene munu endi lika alinakwija nakushatuka.

2 Samwele 18:4

Co mwene wakumbulwile ngwendi, “Mwoshe mumunayongola munapu mwamuvwa mukemwo munjikalinga.” Mwene wemanene kumukulo wa cikolo omo vanu vendi vakele nakutuuka mu vimbunga vya vanu 1,000 na vimbunga vya vanu 100.

2 Samwele 19:3

Co velukile mu nganda volokele kuluu, ngwe mashwalale vaje vali na shwamwa omwo vanatewe ku nzita.

1 Vimyene 22:36

Co omo litangwa lyatokele, mutambi wetile mu mbunga yoshe ya vaIsalele ngwavo, “Munu na munu eluke ku lifuti lyendi na ku limbo lyendi!”

2 Vimyene 14:12

Mbunga ya Mashwalale va Amaziya vavafungulwile, co vatewelele ku membo avo.

2 Vimyene 8:21

Ngecivene, Njeholame wakatukile na matemba endi oshe, waile ku Zaile, co mbunga ya mashwalale vaEndome vavazengelekele. A simbu ya vutsiki Njeholame na vaka-kushika matemba endi vatewele, co mashwalale vendi vatewelele ku membo avo.

1 Samwele 4:10

Co vaFilisitiya valwile manene na nzili, vafungulwile vaIsalele, co vaIsalele vatewelele ku vimbalaka vyavo. Kwakele kutsa kwakama manene, co kwatsile mashwalale va vaIsalele vakupwa 30,000.