2 Samwele 19:24 - Livulu lya Shukulu Kalunga

²⁴ Asinoni Mefimboshete, mutekulu wa Saulu, wezile nakushesha mwene. Ikeye kajwelele ku mendi endi, nambe kuteula munjezi wendi, nambe kukusha vuzalo vwendi kutunda a simbu ije mwene watundile mu Yelusalema noo welukile nakushwana.

2 Samwele 19:24 Iomraidhean Croise

2 Samwele 12:20

Co Ndaviti wendukile asi, wajwelele, nakusakula vin̄ambu vyendi, wazalele vuzalo vweka. Asinoni waile nakulemesa mu Njuvo ya Shukulu Kalunga. Omo welukile ku lipela, walombele vyakulya, co vamunenelelevyo, walile.

2 Samwele 15:30

Ndaviti walamatele ku Munkinda wa Olive nakulila, kazalele vin̄aku ku mendi endi, co wafwikile ku mutwe wendi kupwa cimweso ca vusiwa. Ngecivene, na voshe vaje vamukavele valifwikile ku mitwe yavo, co lalo valilile.

2 Samwele 16:3

Mwene wamwihwile ngwendi, “Mefimboshete, mutekulu wa shukulu yove Saulu ali kuli?” Co Ziva wakumbulwile ngwendi, “Ali mu Yelusalema, ikeye nendeka ngeci vaIsalele vakamwilwisila vumwene vwa kuku yendi Saulu.”

2 Samwele 9:11

Ziva wakumbulwile ngwendi, “Njikalinga vyuma vyoshe vije vyanashiki shukulu yange.” Ngecivene, Mefimboshete wakele nakulyalyalya ku mesa ya mwene, ngwe umo wa vana va vimyene.

1 Vimyene 2:8

“Co kwali lalo Shimei muna Ngela, wa ku limbo lya Mbahulime mu lifuti lya Mbenjemani. Ikeye wanjisingile mwamuvi litangwa lije njaile ku Mahanaime, oloni omo wanjiwanene ku Ndonga ya Yondau, njalingile cikumiiyo ca cikulaeso mu lizina lya Shukulu Kalunga ngwange kunjikamutsii.

Kutuuka 19:10

co Shukulu Kalunga wendekele kuli ikeye ngwendi, “Ya kuli vanu ukavaleke ngeci valivwaese lelo na imene. Vanapande kulijelesa nakulemesa. Co vanapande kukusha vuzalo vwavo

Isaya 15:2

Vanu va ku Ndimboni vanalamata a lilundu kukalilila ku tuzangu twavo. Vanu va ku Mowavi valilila vinganda vya Nembo na Mendeva, vanateula mitwe yavo na minjezi yavo mukumwesa kuviilila kwavo.

Njelemiya 41:5

vanalume makumi atanu na atatu vetele kutunda ku Shekeme, na ku Shilo, na ku Samaliya. Vatewile minjezi yavo, nakutavozola vuzalo vwavo, nakulilengozola a mivila yavo. Vezile na vimbuto vya vinona, na insense vyakukombelela mu Njuvo ya Shukulu Kalunga.

Mateo 6:16

“Co omo mulikela kulya, kesi mwombwe ngwe muvakalingi vaka-civembulu. Omwo vakevo vakaviisa vihanga vyavo, ngeci vanu vavamone ngwavo vanalikela kulya. Mwa vushunga njimileka ngwange, vanatambula laja cikandelela cavo.

Loma 12:15

Vwaeleleni na vaje valinakuvwaelela, lileni na vaje valinakulila.

VaHevelu 13:3

Anukeni vaje vali mu kamenga, ngwe neni lalo muli mu kamenga amo navo. Anukeni vaje valinakuyanda, ngwe neni lalo mulinakuyanda amo navo.