2 Samwele 19:19 - Livulu lya Shukulu Kalunga

¹⁹ wendekele ngwendi, “Shukulu kalombo, njisambese ku vuvi vuje vunjalingile a litangwa lije watundile mu Yelusalema. Kesi ukale na likiti-kiti nange nambe kuvuyongola lalo.

2 Samwele 19:19 Iomraidhean Croise

2 Samwele 13:20

Omo ndolome yendi Avisalome wamumwene, wamwihwile ngwendi, “Aminone nakulingi mwamuvi ndi? Kesi ulinyenge embwe. Ikeye napu ndolome yove wa mu limo lyeka, ngecivene, kesi ulekeko munu cuma eci cinalingiwa.” Ngecivene, Tamale wakele mu njuvo ya Avisalome wombwele.

2 Samwele 13:33

Ngecivene, kesi ukulaele muzimbu ou ngwavo vana vove voshe vanatsi embwe, Aminone lika ikeye natsi.”

2 Samwele 19:18

Co vajavukilile a myava nakujavwisa vanu va mwene nakulinga vyoshe vije vyashakele mwene. Omo mwene walivwaeselele ngeci ajavuke, co Shimei watsikamene asi ku mesho a mwene,

Myaso 32:2

Navezika munu uje Shukulu Kalunga kamulavela lalo vivi vyendi, munu uje kesi na makuli mu mbunge yendi.

Myaso 79:8

Kesi utuhise omwo ya vuvi vwa vakukulwila vetu, tuzivileko mema ku mbunge, cinyangavili cetu cinahu.

Muka-kwambulula 10:4

Nga muka-kushwana akuluvalesa kesi utunde vipangi, nga ulikeesa kuli ikeye, co akakusambesa ku milonga yove.

Isaya 43:25

Nameme ngoco, yange njapwa Njambi uje muka-kumisambesa ku vuvi vweni omwo lizina lyange, co kunjikanuka lalo vuvi vweni vuje vumunalingi.

Njelemiya 31:34

Naumo wai akalongesa mundambo wendi nambe ndolome yendi kuzivuka Shukulu Kalunga, omwo voshe vakanjizivuka, kushangumukila ku vanike kutwala ku vakulunu. Njikavasambesa ku vivi vyavo, co kunjikanuka milonga yavo. Yange Kalunga, njinendekamo.”

Kulava 12:11

Co wendekele kuli Mosesa ngwendi, “Mwane shukulu yange, kesi utuhise omwo tunalingi vya vulema nomu lalo tunalingi vuvi.

Mateo 27:4

Wendekele ngwendi, “Njinalingi vuvi akwenda vungungu munu wakujeneka mulonga.” Vamukumbulwile ngwavo, “Ovyo vikajo kuli yetu? Owo mulonga wove!”

2 Kolinte 5:19

Majwi etu akewo apwa ngeci Njambi waambesele vanu voshe ali Kilistu. Njambi kasa kuvalavela lalo vuvi vwavo, co ikeye natwana majwi aje atuleka vati navambesela.

1 Samwele 22:15

Kuma lelo njinashangumuka kumwihwila kuli Njambi ndi? Embwe mwane. Shukulu kuwapandele kunjihisa nambe umo wa ku naanga yange. Kunjizivuka cuma nacimo cai a n̄anda eyi!”

1 Samwele 25:25

Shukulu, kesi umbe mbunge kuli Navale, omwo ikeye kesi na seo! Mwa vushunga vene ikeye nalifu ngwe kununguluka kwa lizina lyendi lya Navale ‘Cilema!’ Kunjakeleko omo vangamba vove vezile, mwane.

1 Samwele 26:21

Co Saulu wamukumbulwile ngwendi, “Njalingi mwamuvi. Iluka, Ndaviti munange! Kunjikelukilamo lalo kukuvulumuna, omwo unamena mwonyo wange ku vutsiki vwa lelo. Njapwile nji cilema! Njinalingi cuma cacivi manene cakukomokesa!”