2 Samwele 19:17 - Livulu lya Shukulu Kalunga

¹⁷ Wezile na vanalume 1,000 va ku muyati wa Mbenjemani. Na Ziva, ngamba ya vaka-naanga ya Saulu lalo, wezile na vana vendi likumi na vatanu, na vangamba makumi avali, vakevo valivangele kweta omo mwene kanda acete.

2 Samwele 19:17 Iomraidhean Croise

2 Samwele 16:5

Omo Mwene Ndaviti wetele ku Mbahulime, co umo wa vavushoko vwa Saulu, Shimei muna Ngela, wezile nakumushesha, oku alinakumusinga.

2 Samwele 19:18

Co vajavukilile a myava nakujavwisa vanu va mwene nakulinga vyoshe vije vyashakele mwene. Omo mwene walivwaeselele ngeci ajavuke, co Shimei watsikamene asi ku mesho a mwene,

2 Samwele 3:16

Co Palatiyele wamukavele nakulila ngila yoshe noo wetele ku nganda ya Mbahulime. Oloni omo Avinele wendekele ngwendi, “Iluka kwimbo,” co welukile.

2 Samwele 9:10

Ngecivene, yove, na vana vove, na vangamba vove vakalima livu lya naanga ya shukulu yove Saulu, co mukateja vimbuto ngeci mukavawanene vyakulya. Oloni Mefimboshete ikeye akalila ku mesa yange simbu yoshe!” (Ziva wakele na vana va vanalume likumi na vatanu, na vangamba makumi avali.)

2 Samwele 9:2

Co kwakele ngamba wa naanga ya Saulu lizina lyendi Ziva, vamulekele ngwavo aye kuli Ndaviti. Co mwene wamwihwile ngwendi, “Yove Ziva ndi?” Co ikeye wakumbulwile ngwendi, “Eyo shukulu, yange vene ndungo yove.”

1 Vimyene 2:8

“Co kwali lalo Shimei muna Ngela, wa ku limbo lya Mbahulime mu lifuti lya Mbenjemani. Ikeye wanjisingile mwamuvi litangwa lije njaile ku Mahanaime, oloni omo wanjiwanene ku Ndonga ya Yondau, njalingile cikumiiyo ca cikulaeso mu lizina lya Shukulu Kalunga ngwange kunjikamutsii.