2 Samwele 18:9 - Livulu lya Shukulu Kalunga

⁹ Co kukasumuka, Avisalome waliwanene na vanu vamo va Ndaviti. Avisalome walondele a kavalu, co omo wakele nakwita mwisi ya muti wakama wa oke wakulifwa ngwe musivi, mutwe wendi wasakamenene mu minango. Co kavalu watewele, oloni Avisalome wasalele alinakujenjela a mukambwila.

2 Samwele 18:9 Iomraidhean Croise

2 Samwele 13:29

Ngecivene, vangamba vakavele mashiko a Avisalome, vatsiile Aminone. Co voshe vana va Ndaviti vasaleleo valondele a vimulu vavo vatewele.

2 Samwele 14:26

Ikeye wakele na vin̄ambu vyavingi, co wakele nakuviteula lumo a mwaka, omo vinakolo manene nakulema. Vyakele na vulemu vwakutuvakana makilo avali kupwisa ku vulemu vuje vushakiwa.

2 Samwele 17:23

Omo Ahitofele wamwene ngeci kuvakavele kunangula kwendi, walondele a cimulu cendi welukile kwimbo lyendi. Omo wamanesele kuvwaesa vyendi vyoshe, walishukikile ikeye vavenya. Vamutsindile mu mbumbo ya naanga yendi.

2 Samwele 18:10

Umo wa vanu va Ndaviti wamumwene, co walekele Yowave ngwendi, “Shukulu, njinamono Avisalome alinakujenjela ku muti wa oke!”

2 Samwele 18:14

Co Yowave wendekele ngwendi, “Kunjasa kuviisa simbu yange yakwendeka nove.” Ngecivene, wanonele makunga atatu waativile a nulo ya Avisalome oku acili nakuyoya, oku ajenjela ku muti wa oke.

2 Samwele 18:8

Nzita yakele mu lifuti mwoshe, vanu vavangi vatsililile mu shwata kutuvakana vaje vavatsiilile mu nzita.

Yombi 31:3

Kuma tuyando kutwesi kweta kuli vaka-vuvi? Na luvinda kuli vaka-kulinga vyavivi ndi?

Visimo 20:20

Nga usinga visemi vove, co mwonyo wove ukahwa ngwe ndeya yakuzima omo simbu yove kanda yete.

Visimo 30:17

Munu woshe uje ashendumuna ishe, nambe kujeneka kwononoka vaina, napande kuliwa ku makuvi nambe makololo kumucakuvula mesho endi.

Njelemiya 48:44

Woshe atewa omwo lyova, akawila mu citeke, co woshe uje akatuuka mu citeke, akatsa mu mweto, omwo Shukulu Kalunga nemika simbu ya tuyando twa Mowavi.

Mateo 27:5

Co Yundasa wombilile vije vimbongo mu Njuvo ya Shukulu Kalunga, co waile nakulishukika.

Mako 7:10

Omwo Mosesa washikile ngwendi, ‘Singimika isho na vanyoko.’ Co, ‘Woshe uje asinga ishe nambe vaina vanapande kumutsiya.’

Ngalatiya 3:13

Oloni omwo Kilistu vamupwisile cisingo omwo watupatwile ku cisingo cije majwi a Lishiko acinenele, omwo visoneka vyendeka ngwavyo, “Munu woshe uje vashukika a muti ali mwisi ya cisingo ca Njambi.”

Kwituluka mu Mashiko 21:23

co uje muvila kuwapandele kulala aje vutsiki vwoshe embwe. Vanapande kuutsinda a litangwa lije vene, omwo muvila wakushukika a muti unena cisingo ca Njambi a lifuti. Tsindeni uje muvila ngeci kesi mukajwalese mu lifuti lije lyakamyana Shukulu Kalunga Njambi yeni.

Kwituluka mu Mashiko 27:16

“ ‘Cisingo ca Njambi cikale ali munu woshe uje kasingimika va ishe nambe vaina.’ “Co vanu voshe vakakumbulula ngwavo, ‘Ewa!’

Kwituluka mu Mashiko 27:20

“ ‘Cisingo ca Njambi cikale ali munu woshe uje azivisa shwamwa ishe akulala na munakazi wendi.’ “Co vanu voshe vakakumbulula ngwavo, ‘Ewa!’