2 Samwele 18:22 - Livulu lya Shukulu Kalunga

²² Ahimaza welukilile lalo kuli Yowave ngwendi, “Kunjesi na mulonga a vyoshe vije vikalingiwa, nange njitave njikaleke mwene muzimbu ou.” Yowave wamwihwile ngwendi, “Omwo vika ushakela kutwala muzimbu ou, munange? Kuukawanao cikandelela cai.”

2 Samwele 18:22 Iomraidhean Croise

2 Samwele 18:21

Asinoni Yowave wendekele kuli ndungo yendi kaSundane ngwendi, “Ya ukaleke mwene evi viwunamono.” Uje ndungo wakandelelele, co waile nakushatuka.

2 Samwele 18:23

Ahimaza wendekele ngwendi, “Vyoshe vilingiwa vilingiwe ngano, yange njishaka lika kuya.” Co Yowave wendekele ngwendi, “Unapande kuya.” Ngecivene, Ahimaza waile nakushatuka washelumukile ku ngila yakwita mu Cana ca Yondau, co vwasi-vwasi watuvakanene uje ndungo.

2 Samwele 18:29

Co mwene wehwile ngwendi, “Vati mukwenje Avisalome alimwamuvwa ndi?” Ahimaza wakumbulwile ngwendi, “Shukulu, omo mwata wove Yowave nanjitumine, njazivile muyoyo wakama manene, oloni kunjazivukile indi wapwile wavika.”

1 Vimyene 11:22

Co mwene wamwihwile ngwendi, “Omwo vika? Yange njinonwa kukwana cuma cimo ndi? Cikeco ciwushakela kwilukila kwimbo ndi?” Handande wakumbulwile mwene ngwendi, “Embwe, njitave lika njiye.”. Co welukile ku lifuti lyendi. Akupwa mwene wa Endome, Handande wapwile citozi wamuvi manene wa vaIsalele.

Loma 1:28

Omwo vanu ava vanavyana kunyunga vushunga vwakuzivisisa Njambi mu viyongola vyavo, Njambi navecelela vakale na mana amavi, ngeci valinge vyuma vije kuvapandele kulinga.

Efeso 5:4

Kucamipandele kwendeka majwi a shwamwa, a kutuka nambe a mazilo. Oloni munapande kukandelela lika kuli Njambi.