2 Samwele 18:18 - Livulu lya Shukulu Kalunga

¹⁸ Omo Avisalome wakele nakuyoya, walitungilile limanya lya canukiso cendi vavenya mu Cana ca Mwene, omwo ikeye kakele na mwana wakushwana lizina lyendi. Ngecivene, walukile limanya lije lizina lyendi, na ku litangwa lya lelo vacili nakulitumbula ngwavo Limanya lya Avisalome.

2 Samwele 18:18 Iomraidhean Croise

Kushangumuka 11:4

Asinoni valyendekesele ngwavo, “Tutungeni nganda yakama amo na kaposhi kakalaja kakete kwilu, ngeci tutsimane kutewa tukashandokela ano asi oshe.”

Kushangumuka 11:9

Co nganda ije vaitumbwile ngwavo Mbambilone omwo kuje kukekwo Shukulu Kalunga watanganesele muyati wa vanu voshe. Kutunda aje vene Shukulu Kalunga wavashandwelele ano asi oshe.

Kushangumuka 14:17

Omo Avilama welukile kuje kwakahyanene Mwene Kendoleome na vimyene vakwavo, co mwene wa ku Sondoma waile nakuliwana nendi mu Cimbongo ca Shave, eci vatumbula lalo ngwavo Cimbongo ca Mwene.

2 Samwele 14:27

Avisalome wakele na vana vatatu va vanalume na mwana wa munakazi umolika lizina lyendi Tamale, wapwile munakazi wamuvwa manene.

Myaso 109:13

Vatekulwila vendi voshe vatse, co lizina lyendi valivale ku visemwa vije vikaija kulutwe.

Myaso 49:11

Vimbumbo vyavo vikevyo membo avo a ku myaka yoshe, kuje kukekwo kuvakatumbama simbu yoshe, nameme laja vakele na lifuti lyavo.

Isaya 22:16

“Yove wayongola ngwove yove iyajo? Uli na moko mukajo yakulicokwela mbumbo kumukulo wa lilundu lya mamanya?

Njelemiya 22:30

Shukulu Kalunga nendeka ngwendi, “Munalume ou kakakala na vana, kakavezika mukuyoya kwendi kwoshe. Kakakala na vatekulwila, vaje vakamushwana mu Yunda kushwana a litanda lya Ndaviti. Yange Kalunga, njinendekamo.”

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Kulava 32:42

Nomba walwile nakufungulula Kenate na membo amwo, co waalukile Nomba ngeci mwa lizina lyendi.

1 Samwele 15:12

Alikaki mutondo-tondo, Samwele waile nakushakezeka Saulu. Co wazivile ngwavo Saulu nai ku limbo lya Kalemele, kuje watungile limanya lyakulyanukilao ikeye vavenya, co watundile lalo kuje waile ku Ngilingale.