2 Samwele 18:17 - Livulu lya Shukulu Kalunga

¹⁷ Asinoni vambatele civimbi ca Avisalome, vacumbilile mu mbulu yakulova mu shwata, valundikileo mutumbo wakama wa mamanya. Co vaIsalele voshe vatewele, vaile ku membo avo.

2 Samwele 18:17 Iomraidhean Croise

2 Samwele 19:5

Co Yowave waile ku njuvo ya mwene wendekele kuli ikeye ngwendi, “Ku litangwa lya lelo unazivisa manene vanu vove shwamwa, vanu ava vanamena mwonyo wove na myonyo ya vana vove va vanalume na ava va vanakazi, na vanakazi vove, na mashano vove va mbanja.

2 Samwele 19:8

Co mwene wakatukile, waile wakatumbamene kuyehi na cikolo ca nganda. Co vanu vendi vazivile ngwavo ali kuje, co voshe vezile vakungulukile kuli ikeye. A simbu ije, vaIsalele voshe vatewele, munu na munu waile kwimbo lyendi.

2 Samwele 19:9

Co vanu voshe va mu lifuti valijokotesele akati kavo. Valyendekesele umo na mukwavo ngwavo “Mwene Ndaviti watuyoyesele ku vitozi vetu. Ikeye watupatwile kuli vaFilisitiya, co ololo natewa kuli Avisalome naseza lifuti.

2 Samwele 20:1

Kuje ku Ngilingale, kwakele munu umo vilinga vyendi vyapwile vyavivi manene, lizina lyendi Shemba muna Mbikile, wa ku muyati wa Mbenjemani, ikeye wembile lupembo nakutambeka ngwendi, “Kutwesi na mutambela muli Ndaviti, co kutwesi na vushwana muli muna Njesi, yeni vanu va Isalele, munu na munu eluke kwimbo lyendi.”

2 Samwele 20:22

Asinoni waile kuli vanu va muje mu nganda na vutumbe vwendi, co vatapele mutwe wa Shemba vaumbilile akamwa ya civumbe kuli Yowave. Co Yowave wembile lupembo lwa cizivukiso kuli vanu vendi ngeci vatunde muje mu nganda, co velukile kwimbo. Yowave nendi lalo welukile ku Yelusalema kuli mwene.

2 Vimyene 14:12

Mbunga ya Mashwalale va Amaziya vavafungulwile, co vatewelele ku membo avo.

2 Vimyene 8:21

Ngecivene, Njeholame wakatukile na matemba endi oshe, waile ku Zaile, co mbunga ya mashwalale vaEndome vavazengelekele. A simbu ya vutsiki Njeholame na vaka-kushika matemba endi vatewele, co mashwalale vendi vatewelele ku membo avo.

Visimo 10:7

Vanu vaka-vushunga simbu yoshe vakavanuka ngwe civezikiso, oloni vaka-vuvi vakavevala.

Kwituluka mu Mashiko 21:20

Co vakevo vakaleke vakulunu ngwavo, ‘Ou munetu muka-kalewilizi, co lalo wakala na likamba, kesi kutwononoka, co ikeye muka-kupenda nakuviisa vimbongo.’

Kwituluka mu Mashiko 21:21

Co vanalume voshe va muje mu nganda vakamwashe mamanya nakumutsiya, co yeni mukatundisa vuvi vwa cifwa eci akati keni. Vanu voshe va mu Isalele vakaziva evi vivanalingi, co vakakala na lyova.

Yoshwa 10:27

Omo litangwa lyatokele, Yoshwa washikile ngeci vatundise mivila yavo nakuyumbila mu linzenzengoma muje muvavandele akulivanga. Co vandumwinineko mamanya akama ku cikolo ca lije linzenzengoma, na lelo lino anga muvacili.

Yoshwa 7:26

Co vavalundikile mutumbo wakama wa mamanya, nakweta ku litangwa lya lelo kuucili. Eci cikeco civatumbwilile mutambela uje ngwavo Cana ca Tuyando. Asinoni vukalu vwa Shukulu Kalunga vwahwile.

Yoshwa 8:29

Asinoni Yoshwa washukikile mwene wa ku Ayi a muti, co wasezele muvila wendi aje noo cingwezi. Omo lyatokele, Yoshwa washikile ngeci vatundiseo muvila vakaumbilile ku vukovelelo vwa cikolo ca nganda. Co valundikileo mutumbo wakama wa mamanya, kweta na ku litangwa lya lelo kuwacili.

1 Samwele 4:10

Co vaFilisitiya valwile manene na nzili, vafungulwile vaIsalele, co vaIsalele vatewelele ku vimbalaka vyavo. Kwakele kutsa kwakama manene, co kwatsile mashwalale va vaIsalele vakupwa 30,000.