2 Samwele 18:1 - Livulu lya Shukulu Kalunga

¹ Mwene Ndaviti wakungulwile vanu vendi voshe amolika, co wavaangunwine mu vimbunga vya vanu 1,000 na vimbunga vya vanu 100, co waakele vamyata kupwa vaka-kuvashika.

2 Samwele 18:1 Iomraidhean Croise

Kutuuka 17:9

Co Mosesa wendekele kuli Yoshwa ngwendi, “Angula vanalume vamo ngeci imene vaye nakulwa na vaAmaleke. Co yange njikemana a lilundu nakukwatelela mulamu uje wanjilekele Njambi kuwambata.”

Kutuuka 18:21

Oloni unapande kwangula vanalume vamo vakunyanyama uvemike vapwe vantwama va vanu, vantwama va makulukazi, na ava va viita, na ava va makumi atanu, na ava va likumi. Vakevo vanapande kupwa vanalume vakukomoka Njambi, va vushunga, vaka-kuzinda lizika-kanwa.

Kutuuka 18:25

Waangwile vanalume vakunyanyama akati ka vaIsalele voshe. Co wavapwisile vantwama va makulukazi, na ava va viita, na ava va makumi atanu, na ava va likumi.

Kulava 31:14

Co Mosesa waluvalesele manene vamyata va mashwalale, na vaka-kushika mashwalale 1,000 na vaka-kushika mashwalale 100, vaje velukile ku nzita.

Kwituluka mu Mashiko 20:9

Co omo vamyata vanamanesa kwendeka kuli mashwalale, co vakaangula vantwama ku munga imo na imo.

Yoshwa 8:10

Yoshwa wendukile mutondo-tondo, co wakungulwile mashwalale amolika. Asinoni ikeye na vantwama va Isalele vatwamenenene vanu ku Ayi.

1 Samwele 22:7

co ikeye wendekele kuli vamyata vendi ngwendi, “Tolilileni, eni vanalume vaMbenjemani! Kuma yeni muyongola ngeci muvavoshe Ndaviti akasa kumyana mahya, na vitungu vya mikolovozi ya vushuka vwa vinyu nakumipwisa vamyata mu nzita yendi ndi?

1 Samwele 8:12

Co akapwisa vamo kushika vanu 1,000, vamo kushika makumi atanu a vanu. Co vana veni va vanalume vakalima mahya endi, na kuteja vimbuto vyendi, co vakapanga vitwa vya nzita, na vivala vya matemba.