2 Samwele 17:9 - Livulu lya Shukulu Kalunga

⁹ A simbu ino vene amo navanda mu linzenzengoma nambe ku mutambela ukwavo. Omo Ndaviti alwisa vanu vove, co woshe akazivako akendeka ngwendi vanu vove vanavafungulula.

2 Samwele 17:9 Iomraidhean Croise

2 Samwele 17:10

Co nameme vanalume vakusimpa, vaje kuvesi na lyova ngwe vindumba, vakakala na lyova omwo munu woshe mu Isalele nazivuka ngeci isho wapwa lishwalale wamukalu, na vanu vendi vaka-kulwa manene.

2 Samwele 17:8

Yove wazivuka ngeci isho Ndaviti na vanu vendi vapwa vaka-kulwa va nzili, co lalo vakevo vatewesa manene ngwe mbeya uvanevila vana vendi mu civulili. Isho wapwa lishwalale wamukalu, vutsiki kesi kukala amo na vanu vendi.

Njelemiya 41:9

Mu lisima muje mwombilile Ishimela mivila ya vanu vaje vatsiile lyapwile lyakama manene, Mwene Asa ikeye waliindile omo vamulwisile kuli Mwene Mbasha wa mu Isalele. Co Ishimela washulisile lije lisima na mivila ya vanu vaje vatsiile.

Yoshwa 7:5

Co vaje mashwalale va ku Ayi vavashekele kuvatundisa ku cikolo ca nganda ya Ayi nakuvetesa ku vitapu vya mamanya, co akati kavo vatsiileo makumi atatu na vanu vatanu naumo mu ngila ya kushelumuka ku malundu. Co vaIsalele vazivile manene lyova nakujujuka.

Yoshwa 8:6

Vakevo vakatusheka noo tunavatwala kulyala na nganda. Co vakayongola ngwavo tulinakuvatewa ngwe muje mutwalingile akulivanga.

1 Samwele 22:1

Ndaviti watewele kutunda mu nganda ya Ngate, co waile ku linzenzengoma lya kuyehi na nganda ya Andulame. Omo vandolome vendi na naanga yoshe vazivile ngwavo ali kuje, co vaile nakuliwana nendi.

1 Samwele 23:22

Yeni mukawane mwamuvwa ngila, mukatondesese mwamuvwa, co mukazivuka naa akala, nou namumono iya, omwo njinazivi ngwavo ikeye nanyanyama manene.

1 Samwele 24:3

Saulu wetele ku limba lya vimanga kumukulo wa ngila, kwakele linzenzengoma, wakovelelemo nakuhwiminamo. Kuma Ndaviti na vanu vendi vakele mukati-kati ka linzenzengoma.