2 Samwele 17:29 - Livulu lya Shukulu Kalunga

²⁹ na vuki, na mavele, na vimanga, na mavele akutunda ku vingombe. Vavinenele kuli Ndaviti na vanu vendi ngeci valye, omwo vayongwele ngwavo, “Vanu vanajuka vali na njala na lihwila mu mambo.”

2 Samwele 17:29 Iomraidhean Croise

2 Samwele 16:14

Mwene na vanu vendi vajukile manene omo vetele ku Yondau, co vahwimine kuje.

2 Samwele 16:2

Mwene Ndaviti wamwihwile ngwendi, “Evi vyoshe unanene vyakulingisa vika?” Ziva wamukumbulwile ngwendi, “Vimulu vakulonda naanga ya mwene, makende na vushuka vikevyo vyakulya vanu, co vinyu vanwe vaje vanu vajuka kwenda mu mambo.”

2 Samwele 17:2

Njikamulwise simbu najuka, co njikamujujwisa na lyova, vanu vendi voshe vakatewa. Co njikatsiya lika mwene,

Myaso 107:5

Vazivile njala na lihwila, co vatsile lusike.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Visimo 21:26

vaka-vuvi valiveya litangwa lyoshe lyamutunu, oloni vaka-vushunga vakana vyuma vyavo kuvesi kulikela.

Isaya 21:14

aneni mema kuli vanu vaje vali na lihwila. Yeni vanu va mu lifuti lya Tema, aneni vyakulya kuli vaka-kwija vaje vali na njala.

Isaya 58:7

Lipangeleni vyakulya vyeni na vaje vali na njala, co shokolweleni tuutu na vaka-kuyanda ku vinjuvo vyeni. Aneni vuzalo kuli vaje vanajeneka vyakuzala, co kesi muvyane kukwasa vavushoko vweni.

Luka 8:3

na Yowana munakazi wa Kuza uje wapwile mukulunu wa mu mbanja ya Helonde, amo na Suzana, na vanakazi veka vavangi vaje vapangesele vyavo mukukwasa Yesu na vandongesi vendi.

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

1 Samwele 17:18

Co twala lalo mazi awa kuli muka-kushika nzita. Ya ukamone muvanendukila vakulunu vove, co omo wiluka ukambata cimweso cimo twakumone nga mwa vushunga unavamwene, vali mwamuvwa.