2 Samwele 17:17 - Livulu lya Shukulu Kalunga

¹⁷ Yonatana muna Aviyatale na Ahimaza muna Zandoke vavandamenene ku lisima lya kavwelu-vwelu lya Enelongele, anja ya Yelusalema, co ngamba wa munakazi wakele nakuyako nakuvanangula vije vilinakulingiwa, ngeci vakevo vaye nakulekako Mwene Ndaviti omwo kuvapandele kuvamona vakovela mu nganda.

2 Samwele 17:17 Iomraidhean Croise

2 Samwele 15:27

Co mwene wendekele lalo kuli Zandoke ngwendi, “Kenga, ambata munove Ahimaza, na Yonatana muna Aviyatale mwiluke ku nganda mwende mu kwoloka.

2 Samwele 15:35

Zandoke na Aviyatale vaka-kukombelela, navo kuvakakala, valeke vyuma vyoshe viwuzivuka mu lipela lya mwene.

2 Samwele 15:36

Vakevo vali na vana vavo va vanalume, Ahimaza muna Zandoke, na Yonatana muna Aviyatale, co yove wasa kuvatuma kuli yange nakunjileka majwi oshe awuziva.”

1 Vimyene 1:42

Omo kanda acimanese kwendeka, Yonatana, muna Aviyatale muka-kukombelela, wetele. Co Andoniya wamusanene ngwendi, “Ija kuno, u munalume wamuvwa, unapande kunena muzimbu wauvwa.”

1 Vimyene 1:9

Litangwa limo Andoniya wakombelele n̄ombelo ya vimanga, na vingombe, na vana va vingombe vakununa a Limanya lya Linyoka, kuyehi na Enelongele. Walanyele vakwavo vana va Mwene Ndaviti, na vamyata va mwene vaje vatundile ku muyati wa Yunda kwija ku ciwano cakukombelela,

Yoshwa 15:7

co nginga yalamatele kutunda ku Cana ca Tuyando nakuya ku Ndembile, asinoni yazengulukile ku kunto ku Ngilingale, kushungama na vulamatelo vwa Ngila ya Andumime ku mutambela wa cana ca mu mbwela. Co nginga yetile ku masima a tuvwelu-vwelu a ku Eneshemeshe, co yaile lalo ku Enelongele,

Yoshwa 18:16

Co yashelumukilile kwisi ya munkinda uje walishungamene na Cana ca Hinome, ku shongo ya Cana ca Lefaime ku kunto. Co yakengeselele lalo ku mbwela mukati ka Cana ca Hinome, ku mbwela ya vaNjevushi kuje yetele ku Enelongele.