2 Samwele 17:14 - Livulu lya Shukulu Kalunga

¹⁴ Avisalome na vaIsalele voshe vendekele ngwavo, “Kunangula kwa Hushai kunapu kwakuvwa manene kutuvakana kunangula kwa Ahitofele.” Shukulu Kalunga wavwaesele ngeci kunangula kwakuvwa kwa Ahitofele kesi vacikave, ngeci vukalu vukaije ali Avisalome.

2 Samwele 17:14 Iomraidhean Croise

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

2 Samwele 15:31

Omo Ndaviti vamulekele ngwavo Ahitofele nalipandakana na Avisalome mukumutengulukila, co Ndaviti walombelele ngwendi, “Shukulu Kalunga, pwisa kunangula kwa Ahitofele kupwe kwangoco!”

2 Samwele 15:34

oloni ukanjikwasa nga wiluka ku nganda nakuleka Avisalome ngwove, ‘Yange njikupangela na kulongwa ngwe munjapangelele isho.’ Co ukalinga mwoshe muunasela kupopolola kunangula kwa Ahitofele.

2 Samwele 16:23

Kunangula kwanangwile Ahitofele a matangwa aje, kwapwile vene ngwe lijwi lya Njambi, mukemwo mukwapwile kunangula kwa Ahitofele kuli Ndaviti na kuli Avisalome.

2 Mizimbu 10:15

Eci capwile cizango ca Shukulu Kalunga Njambi ngeci ashulise vije wendekele kuli Yelovowame muna Nembate muli Ahiya muka-kwimanena wa ku Shilo. Eci cikeco calingisile mwene ngeci kesi atolilile kuli vanu.

2 Mizimbu 10:8

Oloni Lehovowame walimbulwile kunangula kwa vakulunu, waile kuli vakwenje vaje muvakolelele amolika vakevo valizivasanene amo.

2 Mizimbu 25:16

Amaziya wamukumbulwile ngwendi, “Simbu ika twakwangwile kupwa muka-kunangula mwene? Oloka kuluu, ngeci kesi vakutsiye!” Co uje muka-kwimanena walikelele, oloni wendekele ngwendi, “Ololo njazivuka ngeci Njambi nayongola kukunyongesa omwo unalingi vyoshe evi, co unombwanesa kunangula kwange.”

2 Mizimbu 25:20

Oloni Amaziya wavyanene kumutolilila. Omwo eci capwile cizango ca Njambi ngeci amukundike mu mavoko a vitozi vendi, omwo ikeye walemesele tumponya twa vaEndome.

Nehemiya 4:15

Vitozi vetu vazivile ngeci tunawana laja vije vivayongwele, co vanangukile ngeci Njambi nahyana matumbe avo. Asinoni tuvavoshe twelukile mukutungulula civumbe.

Yombi 12:17

Ikeye akatundisa mana a vaka-kushwana, co apangesa vantwama ngwe vilema.

Myaso 9:15

Vaka-kujeneka kukulaela, vanendi mbulu nakuwilamo. Myanja yavo inatsi mu myeto yavo vavenya.

Myaso 9:16

Shukulu Kalunga nalisholola ikeye vavenya akusompa kwendi kwa vushunga, oloni vaka-vuvi vanatsi mu vilinga vyavo vyavivi.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Visimo 19:21

Yetu vanu tukatumbu matumbe amangi, oloni Shukulu Kalunga lika ikeye alinga vije vyanayongola.

Visimo 21:30

Mana a vunu nakunyanyama nakuzivuka, kuvikwasa nga Shukulu Kalunga nakuvyana.

Isaya 8:10

Tumbeni matumbe eni! Oloni akapwa angoco. Endekeni vyoshe vimushaka! Oloni vyoshe vikapwa vyangoco, omwo Njambi ali amo netu.

Mbimbi 3:37

Naumo wai asa kulinga cuma cimo kwakujeneka cizango ca Shukulu Kalunga.

Amose 9:3

Nga vakavanda akamwa ya Munkinda wa Kalemele, njikavashakezeka nakuvatundisao. Nambe nga vanjivandela kwisi ya mema a kalunga, co njikashika cikashama wa mu mema a kalunga ngeci avashume.

Luka 16:8

Co shukulu yendi washangalele uje katumwa wakujeneka kulongwa, omwo walingile cuma ca mana, omwo vanu va ano a kaye vali na mana ku vyuma vyavo kutuvakana vanu vaje vali mu ceke.”

1 Kolinte 3:19

Omwo vije vayongola vaka-kaye ngwavo vinapu vya mana, ku mesho a Njambi vinapu vya vulema. Ngwe muvyendeka visoneka ngwavyo, “Njambi akakwata vaka-mana mukunyanyama kwavo”,

Kwituluka mu Mashiko 2:30

“Oloni Mwene Sihone wa ku Heshevone katutavesele kwita mu lifuti lyendi embwe, omwo Shukulu Kalunga Njambi yeni wakaluwisile mbunge yendi, ngeci amukundike mu mavoko eni ngwe mucinapu lelo.

Yoshwa 11:20

omwo Shukulu Kalunga wakaluwisile vimbunge vyavo vyakulwisa vaIsalele, ngeci vavanyongese nakuvahisa na cihiso cakama nakujeneka kuvazivilako mema ku mbunge, ngwe muje mwashikile Shukulu Kalunga kuli Mosesa.