2 Samwele 17:10 - Livulu lya Shukulu Kalunga

¹⁰ Co nameme vanalume vakusimpa, vaje kuvesi na lyova ngwe vindumba, vakakala na lyova omwo munu woshe mu Isalele nazivuka ngeci isho wapwa lishwalale wamukalu, na vanu vendi vaka-kulwa manene.

2 Samwele 17:10 Iomraidhean Croise

Kushangumuka 49:9

Yunda napu ngwe ndumba, atsiya evi akwata, elukila lalo ku mbulu yendi. Alyolola nakulala naumo wai asimpa ngeci amukasumune.

2 Samwele 1:23

“Saulu na Yonatana, vapwile vaka-cizemo cakukomokesa manene, mu mwonyo na mu kutsa kuvalyangunukile, ku lumbisi vahyanene vingonga, co ku nzili vahyanene vindumba.

2 Samwele 17:9

A simbu ino vene amo navanda mu linzenzengoma nambe ku mutambela ukwavo. Omo Ndaviti alwisa vanu vove, co woshe akazivako akendeka ngwendi vanu vove vanavafungulula.

2 Samwele 23:20

Mbenaya muna Yehoyanda wa ku Kambizele wapwile lishwalale mukwavo wa lutsimo, walingile vilinga vyavingi vya nzili, watsiile vaMowavi vavali vakele na nzili ngwe vindumba. A simbu imo washelumukile mu mbulu, watsiile ndumba a litangwa lya mema akukonda.

Myaso 89:19

Ku san̄ulu wendekele mu cimona kuli vangamba vove va kulongwa ngwove, “Njinakwasa lishwalale wa nzili, njinamwangula akati ka vanu, nakumutsimanesa.

Kutuuka 15:15

Vantwama va ku Endome valikomokelele, vanalume va nzili va ku Mowavi valijajelele, vanu va mu Kanana vezokele vimbunge.

Visimo 28:1

Vaka-vuvi vatewa nambe wai avasheka, oloni muka-vushunga wapwa wakusimpa ngwe ndumba.

Myaso ya Solomoni 3:7

Solomoni ikeye alinakwija vanamwambata a litanda lyendi, mashwalale va nzili va mu Isalele vakupwa makumi atanu na limo, vanamuzengeleka.

Isaya 13:7

Mavoko a vanu akazeya, nakusimpa kwavo kukahwa.

Isaya 19:1

Awa akewo majwi aa Ingito. Shukulu Kalunga aija ku Ingito, nalondo a lishelwa aija lumbisi. Vanu vanazeye omwo lyova. Co tumponya twavo vanalijujukila.

Ezekiyele 21:15

Unapu mukwale wakuzeyesa vanu vange nakuvatanukisa. Njilinakulishungwiya nganda yavo na mukwale wakuvyakula ngwe muhyato, vanawinika ngeci utsiye vanu.

Kwituluka mu Mashiko 1:28

Tuyila kulijo? Tuli na lyova omwo vandolome vetu vaje twatumine kuje vanatuzivalesa ku vimbunge nakutuleka ngwavo vaje vanu vali kuje vali na nzili manene na vulaja kutuvakana yetu, co vakevo lalo vakala mu vinganda vya vivumbe vyakweta ndo na kwilu. Co kuje lalo vakamweneko makisi-kisi!’

VaHevelu 11:34

vazimine tuhya twatukalu, co vaputumukile kukuvatapa na mukwale. Vapwile vaka-kuzeya oloni vemukile vaka-nzili, vapwile vaka-nzili mu nzita, co vahyanene mashwalale va vangenzi.

1 Samwele 16:18

Co umo wavo wendekele ngwendi, “Njesi wa mu limbo lya Mbetelehema, ali na mwana wa munalume azivuka kwimba mwamuvwa. Ikeye wapwa lalo wakusimpa, munalume wamuvwa manene, lishwalale wamuvwa, muka-lwashu lwa kwendeka. Co lalo Shukulu Kalunga ali amo nendi.”

1 Samwele 18:17

Asinoni Saulu wendekele kuli Ndaviti ngwendi, “Ambata munange wa mukulunu Melambe. Njikwanaye apwe munakazi wove, co yove ukapwa u lishwalale lyange wakusimpa na kulongwa, nakulwa vinzita vya Shukulu Kalunga.” (Saulu wayongwele ngwendi vaFilisitiya vakatsiya Ndaviti, omwo Saulu ikeye kasele kucilinga.)