2 Samwele 16:8 - Livulu lya Shukulu Kalunga

⁸ Yove watambula vumwene vwa Saulu, co ololo Shukulu Kalunga alinakukuhisa omwo unatsii va ka naanga ya Saulu vavangi. Ololo Shukulu Kalunga naana Avisalome vumwene, co yove uli mu vukalu, yove muka-kutsiya!”

2 Samwele 16:8 Iomraidhean Croise

2 Samwele 1:16

co Ndaviti wendekele ku civimbi ca uje kaAmaleke ngwendi, “Maninga ove akale a mutwe wove vavenya. Yove vavenya walihisa omo walitavela ngwove yove watsiile mwene uje yaangwile Shukulu Kalunga.”

2 Samwele 19:19

wendekele ngwendi, “Shukulu kalombo, njisambese ku vuvi vuje vunjalingile a litangwa lije watundile mu Yelusalema. Kesi ukale na likiti-kiti nange nambe kuvuyongola lalo.

2 Samwele 19:21

Avishai muna Zeluya wendekele ngwendi, “Shimei napande kutsa omwo ikeye wasingile uje yaangwile Shukulu Kalunga kupwa mwene.”

2 Samwele 21:1

Omo Ndaviti washwanene, kwakele njala ya lyangengela myaka itatu yoshe yamutunu. Ngecivene, Ndaviti wehwile Shukulu Kalunga a vyuma evi, co Shukulu Kalunga wendekele ngwendi, “Saulu na naanga yendi vali na mulonga wakutsiya omwo vatsiile vanu va ku Ngimbiyone.”

2 Samwele 21:9

Co Ndaviti wavanene kuli vanu va ku Ngimbiyone, co vavashukikile a munkinda ku mesho a Shukulu Kalunga, voshe vatanu na vavali vatsililile amolika. Yapwile simbu ya cisika, yakushangumuka kuteja mbale ya maumwa, omo vavatsiile.

1 Vimyene 2:8

“Co kwali lalo Shimei muna Ngela, wa ku limbo lya Mbahulime mu lifuti lya Mbenjemani. Ikeye wanjisingile mwamuvi litangwa lije njaile ku Mahanaime, oloni omo wanjiwanene ku Ndonga ya Yondau, njalingile cikumiiyo ca cikulaeso mu lizina lya Shukulu Kalunga ngwange kunjikamutsii.

Myaso 3:2

Valinakwendeka ali yange ngwavo kunjesi na vukwasi kuli Njambi.

Myaso 4:2

Yeni vanu visimbu vingai mukanjishaula? Visimbu vingai mukazema vije vinapu vyangoco, nakukavangeya vije vinapu vya makuli?

Myaso 55:3

Njilinakuziva lyova muvali nakunjishungwiya vitozi vange, vananjihyana omwo vaka-vuvi valinakunjiyandesa. Vanena tuyando ali yange, vanjiluvalela nakunjizinda.

Myaso 7:4

nambe kuzivila citozi cange mema ku mbunge, nga njinalingi vyuma evi,

Visimo 26:2

Visingo kuvyasa kuvulumuna munu wakujeneka mulonga. Vinapu ngwe tuzila vaje vapulula lika a mukambwila, kujeneka kutongama.

Kujombolola 16:6

Vetilile maninga a vanu va Njambi naa a vaka-kwimanena, ngecivene, unavana maninga ngeci vanwe. Valinakutambula vije vinavapande.”

Maako 9:24

Co eci calingiwile ngacije ngeci Avimeleke na vanu vaje va ku Shekeme, vaje vamushongangeyeye kutsiya vana va Ngilyone vakupwa 70, ngeci vase kufweta mulonga wavo.