2 Samwele 16:22 - Livulu lya Shukulu Kalunga

²² Ngecivene, vashimbikilile Avisalome mbalaka akamwa ya ciluli cakusivama ca lipela, co ku mesho a vanu voshe Avisalome wakovelele, walalele na mashano va mbanja va ishe.

2 Samwele 16:22 Iomraidhean Croise

Kushangumuka 35:22

Omo Yakomba wakele mu lifuti lije, Luvena walalele na Mbileha, lishano limo lya ishe lya mbanja. Omo Yakomba wacizivile, co waluvalele manene. Yakomba wakele na vana likumi na vavali va vanalume.

2 Samwele 11:2

Litangwa limo, ku cingwezi, omo Ndaviti wakasumukile a tulo waile akamwa ya njuvo yendi. Omwo wakele nakwenda akamwa ya ciluli ca lipela lyendi, wamwene munakazi alinakujwela. Uje munakazi wapwile wamuvwa manene.

2 Samwele 15:16

Ngecivene, mwene waile, na naanga yendi, na vamyata vendi voshe vamukavele, kuvanga mashano va mbanja likumi, vakevo vasezele vanyunge lipela.

2 Samwele 20:3

Omo Ndaviti wetele ku lipela lyendi mu Yelusalema, wasanene vaje mashano va mbanja likumi vaje vasezele ngeci vanyunge lipela, wavaakele mu njuvo nakuvanyungilamo. Vavaanene vyoshe vije vivashakele, oloni kalalele navo lalo. Mukuyoya kwavo kwoshe vavanyungile mu cifwa cangacije vene, vayoyele ngwe vifwile.

Isaya 3:9

Vilinga vyavo vyavivi vikavelukila vakevo vavenya nakuvalwisa. Vakalingi vuvi citona-mesho ngwe muvalingile vaka-Sondoma. Vananyongo, co vanalikokela vukalu vakevo vavenya.

Njelemiya 3:3

Evi vikevyo viyalikelele nyonzi kunyoka, na nyonzi ya vusuku-mbundu kuyanyokele. Unapu ngwe cikwizi, kuwesi na shwamwa.

Njelemiya 8:12

Yeni vanu vange, kuma kumwazivile shwamwa, omwo mwalingile vyuma vije vya vunyengwe ndi? Embwe, Kumwazivile shwamwa, omwo kumwesi kuziva shwamwa. Omo njikaminyanyamesa mukawa ngwe muvanau vakweni, co mukanyonga. Yange Kalunga, njinendekamo.

Ezekiyele 24:7

Kwakele kutsiya vanu mu nganda, oloni maninga vawetilile a limanya, kuvawetilile asi ngeci vofweleo livu.

Kulava 25:6

Co kengeni, umo kaIsalele wanenele munakazi wa kaMindyani mu mbalaka yendi ku mesho a Mosesa na mbunga yoshe, simbu vakevo vacikele nakulilila ku cikolo ca Mbalaka Mwakuliwanena.

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.